影片
更多
2024-09-20
424 瀏覽
平時出去食lunch，MOKO都係其中一個會去嘅地點，鍾意佢夠近，餐廳選擇又多。一路睇緊食咩嘅時候見到哩間餐廳，個商場行過咁多次，都一直唔覺有哩間餐廳🤔見到佢晏晝可以book位，一於試下。去到附近，完全見唔到餐廳門口😳去問詢問處，原來喺一間鋪頭入面😯門口仲要係賣名牌袋，平時根本唔會入去。而且門口附近放咗唔同嘅展示版，將餐廳完美遮住，真係要行入去鋪頭先會見到。All Day Breakfast ($138)主食唔係太多選擇，有All day breakfast、日式漢堡扒、漢堡包。無飯、意粉類食物，主要係輕食。甜品就多選擇😋今次就試下個All day breakfast，原本份早餐無跟麵包，加$30 upgrade 加任何一款牛角包 或者 泡芙 (Choux)。早餐有一隻蛋、兩片煙肉、兩條香腸、一小杯乳酪、一件薯餅、沙律菜、炒菇。每樣少少，食落都好夠。我同朋友都upgrade咗要牛角包😈咁岩我哋都揀焦糖吉士牛角包🥐個包好正🥹🥹‼️‼️外面有一層焦糖，烘到脆脆，個包暖暖哋再配埋凍嘅吉士餡，好好食，又唔太甜👍🏻值得加錢upgrade🩷嚟哩度食飯嘅好處係比較靜，隱藏喺一間鋪頭入面，無乜人發現到。而
一路睇緊食咩嘅時候見到哩間餐廳，個商場行過咁多次，都一直唔覺有哩間餐廳🤔
見到佢晏晝可以book位，一於試下。
去到附近，完全見唔到餐廳門口😳
去問詢問處，原來喺一間鋪頭入面😯
門口仲要係賣名牌袋，平時根本唔會入去。
而且門口附近放咗唔同嘅展示版，將餐廳完美遮住，真係要行入去鋪頭先會見到。
All Day Breakfast ($138)
主食唔係太多選擇，有All day breakfast、日式漢堡扒、漢堡包。
無飯、意粉類食物，主要係輕食。
甜品就多選擇😋
今次就試下個All day breakfast，原本份早餐無跟麵包，加$30 upgrade 加任何一款牛角包 或者 泡芙 (Choux)。
早餐有一隻蛋、兩片煙肉、兩條香腸、一小杯乳酪、一件薯餅、沙律菜、炒菇。
每樣少少，食落都好夠。
我同朋友都upgrade咗要牛角包😈
咁岩我哋都揀焦糖吉士牛角包🥐
個包好正🥹🥹‼️‼️外面有一層焦糖，烘到脆脆，個包暖暖哋再配埋凍嘅吉士餡，好好食，又唔太甜👍🏻
值得加錢upgrade🩷
嚟哩度食飯嘅好處係比較靜，隱藏喺一間鋪頭入面，無乜人發現到。
而且鋪頭係賣包包，人流都唔係好多，可以靜靜地食個飯。
餐廳裝修、食物種類偏向女性化，連食物份量一樣。
對女仔嚟講，份量都只係岩岩好。
另外，啲餐具設計好特別。
第二個好處係，順便可以行街🤪
出入餐廳都必經包包櫃，唯有睇下😌
對包包無興趣唔緊要，行入啲仲有figure、遊戲機、化妝品、精品小物，咩都有少少。
行街行到攰，想靜靜地食啲嘢，可以考慮哩間餐廳。
張貼
