秋香 (黃金海岸商場) (已結業)

好耐之前試過lunch，見到秋香推出左個晚市二人前就去試下，比第一次有驚喜喎!先上一個刺身盆，啲擺位好靚! 仲加左食用花同紫蘇葉，有顏值有實力。 所有食材都好新鮮，香氣四溢，成個口都充滿住紫蘇葉獨特既氣味，同海鮮真係好夾再黎兩款炸物，吉列牡蠣好大隻，外脆內juice，經過烤炸後仍然食得到本身既鮮甜味。另外一款炸雞配自家醬，初初食落都幾香口，但食多幾件就開始覺得咸少少。串燒盛都係主打之一，當中和牛粒好好味，濃郁牛味加上滿滿油脂最為突出。另一主打就係煲仔飯，一定要試秋香推介既白鱔。 魚肉嫩滑無骨，魚皮又燒得香脆，加埋煲仔飯既靈魂飯焦 想要多啲飯焦就唔好咁快撈佢地，等啲飯停留得耐啲，就更加容易做到呢個效果。另外散叫左個蕃茄大蜆，隻隻鮮甜大隻，個湯底都好鮮味P.S. 因為個白鱔煲仔飯係每日限定，book位既時候記得要預留埋食物