影片
更多
2023-10-12
216 瀏覽
陶源酒家 2小時無限任食大閘蟹、片皮鴨放題喺Klook 買咗呢個package ，有幾間分店都可以用，好方便😎我哋喺平日過嚟，個場都算full，好彩事先訂咗位。一入座就會送上三款特盛三式，一人一份架！✨蟹粉扒豆苗蟹粉份量都算幾多，豆苗亦夠嫩。✨鮑汁扣原隻鮑魚伴翡翠鮑汁味鮮，配搭鮑魚，炆得又淋又入味👍🏻入口Juicy。✨金湯小米燴遼參湯羹入口有啲似小米粥，遼參粒增加口感，口味甘甘地，好養生！任食嘅大閘蟹大約有四両，三款口味可以選擇，分別係清蒸、花雕和鹽焗🦀，清蒸和鹽焗上到枱都係熱辣辣，出晒煙要等一陣先至可以開蟹，食落口味就差唔多，口感方面，覺得鹽焗會令蟹肉更加結實。花雕就係凍蟹，食落蟹膏Juicy，有淡淡酒香。每輪由落單計，大約要蒸15分鐘，都算準時冇漏單。我哋每次喺等候嘅時候，都會出去自助區攞嘢食，片皮鴨喺自助區都係即片，好新鮮！前菜拍青瓜、涼拌雲耳、椒鹽海中蝦、炸雞翼、炸豬扒，甜品楊枝甘露、杏仁茶、番薯糖水都有，成餐飯啲時間都過得好充實😄
陶源酒家 2小時無限任食大閘蟹、片皮鴨放題
喺Klook 買咗呢個package ，有幾間分店都可以用，好方便😎我哋喺平日過嚟，個場都算full，好彩事先訂咗位。一入座就會送上三款特盛三式，一人一份架！
✨蟹粉扒豆苗
蟹粉份量都算幾多，豆苗亦夠嫩。
✨鮑汁扣原隻鮑魚伴翡翠
鮑汁味鮮，配搭鮑魚，炆得又淋又入味👍🏻入口Juicy。
✨金湯小米燴遼參
湯羹入口有啲似小米粥，遼參粒增加口感，口味甘甘地，好養生！
任食嘅大閘蟹大約有四両，三款口味可以選擇，分別係清蒸、花雕和鹽焗🦀，清蒸和鹽焗上到枱都係熱辣辣，出晒煙要等一陣先至可以開蟹，食落口味就差唔多，口感方面，覺得鹽焗會令蟹肉更加結實。花雕就係凍蟹，食落蟹膏Juicy，有淡淡酒香。
每輪由落單計，大約要蒸15分鐘，都算準時冇漏單。我哋每次喺等候嘅時候，都會出去自助區攞嘢食，
片皮鴨喺自助區都係即片，好新鮮！前菜拍青瓜、涼拌雲耳、椒鹽海中蝦、炸雞翼、炸豬扒，甜品楊枝甘露、杏仁茶、番薯糖水都有，成餐飯啲時間都過得好充實😄
張貼
