炑八韓烤 (偉華中心) (已結業)

呢幾日天氣涼咗，除咗外出要著多件褸仔之外，又係食韓國燒烤嘅好時間，雖然韓國燒烤係比較燥啲，但係耐唔耐食一次，我覺得有冇乜嘢問題嘅，只要身體健康又承受到就得啦。韓國燒烤嘅價位有平有貴，而且平同貴嘅食物質素都可以差好多，所以有好多嗰啲任點任食嗰啲平價韓式燒烤，我就唔會選擇去食，而且我個腸胃比較弱，只要食物有少少問題我就會好大件事， 所以我會選擇一啲質素比較好嘅韓燒餐廳，而呢一間我覺得都唔錯。呢間價位算係中上，但係食物質素有番咁上下，識食嘅一定就係叫啲牛肉食啦，其實求其點一啲牛肉類嘅都好信得過， 牛小排嗰啲牛肉又嫩又滑好好味，烤好之後用啲菜包住塊酸蘿蔔夾埋一齊嚟食好好味，仲有就係鐵板側邊嗰啲芝士粟米，同埋泡菜雞蛋都係好好味， 再燒啲蝦同埋一啲雜菜都好好味。秋風起食韓燒，有氣氛又開心。