Dodam Chicken (1亞太中心) (已結業)

台灣，越南，泰國都有餐廳俾你係火車軌道隔離食飯。如果你冇咁多日假去外國旅行，觀塘幫到你。放假係下午茶時間黎呢度，雖然有四五台客喺度，但係都冇影響觀火車(港鐵)嘅心情。 🍺一路睇火車一路飲倒豎葱沙冰就最正。西柚芒果乳酪沙冰，加埋Hoegaarden,配搭幾分秋意，半分醉意，開始左非常寫意嘅下午。 🍖有啤酒就一定要配炸雞，除左大路嘅原味，同埋經常食既甜辣味道，今次試左甜豉油味。甜甜地，有少少醋味，配合非常爽脆既雞皮，有個種食左好味嘅炸野，但即刻俾醬汁解左熱氣嘅感覺。 🍖有啤酒就一定要有薯條，有薯條就一定要有好味嘅醬汁。我點既拼盤有三種薯條，甜薯，薯角同粗薯條。中間有用挖空咗既麵包裝住芝士火鍋式既芝士醬，充滿鹹香，其味無窮。而且每一種薯條點落去出嚟嘅味道都唔同。非常特別。最緊要係我最後連個包同剩低嘅芝士醬一齊食。實在太濃郁，太好味啦。 🍺✨️返返轉頭，又飲返一啖沙冰，全餐雖然好飽，但係就唔會好膩。餐廳景觀，食物質素都好適合懶洋洋嘅秋天下午。