巴希雅海灣重慶燒烤

營業中

休息中

搭入秋天既月份，梗係約三五知己去燒野食啦！唔想落手落街四周圍買野食，就黎巴希雅啦！本來我仲諗住係用燒烤叉，朋友話，你咩都唔洗帶，帶人同錢就得架啦！咁方便架咩！唔信就繼續睇啦...入正題啦，係大埔墟搭小巴直到門口，非常方便！一落車遠距離已經聞到燒烤味！一入到去先要到收銀處，講好人數後就要先比錢，每人都會有條手帶做記號！坐底好之後就有店員派裝食物既碟，拎野食就要去到一間房，果度有晒凍肉，蔬菜...食物方面，種類就唔算好多，不過都夠你食！最大特色呢度已經穿好一串串比你直接放上個爐度燒！我最愛就係金菇肥牛，手快有手慢冇，唔係長期都有供應，睇你果個時段撞唔撞得岩。牛肉串同雞肉都係搶手貨，岩食就拎多幾串😆燒菠蘿無得輸菠蘿又大又多汁，燒過仲好味，香噴噴既菠蘿，一啖咬落去，好似飲緊菠蘿汁咁！之後見過人地整，自己未試過燒香蕉！終於有機燒下，心諗蕉皮都燒到燶晒，真係好味咩？到我真係食既時候，我後悔點解唔早啲試！香蕉香氣飛撲埋我個鼻度，朋友仲加左啲朱古力醬，自製甜品，你試過咁食蕉未！無得頂！！