意粉煮得彈牙乾爽，醬汁味道濃郁而平衡，唔會過鹹或者過膩。大蝦肉質鮮甜，彈牙感十足，牛肉亦嫩滑，口感豐富，味道融合得相當好。如果牛肉再加入更多調味，層次感會更加突出。
Salmon Steak（三文魚扒）
三文魚扒以健康為主調，魚肉嫩滑，入口舒服，味道清新簡單，配搭奶白醬汁，濃度控制得好好。伴碟嘅菜啦都軟硬適中，薯蓉質感幼滑，帶有濃濃奶香，十分出色，係一道令人滿意嘅主菜，令人驚喜意外！
Chocolate Lava Cake（朱古力心太軟）
心太軟一切開，朱古力醬即時流出，濃郁香滑，甜而不膩。配搭雪糕令口感更加豐富，係一個溫暖又完美嘅收尾。成個甜品賣相吸引，味道令人滿足，特別適合慶祝朋友生日。
餐廳裝潢以梵高主題為主，環境優雅有格調，裝修有少許歲月感，非常適合拍照打卡！
