影片
更多
2023-02-28
33 瀏覽
要搵好野，就要識捐窿捐罅，試過呢間三文治店一次就愛上。舖頭係彩色牆隔離既小入口，要上條小樓梯。入口處有個簡約既招牌同餐牌，作風低調撲實。由於係一人小店，招待客人、處理訂單、食物製作甚至沖咖啡都係老闆一手包辦，食物選擇唔多，以意式三文治為主，好彩的話仲會有老闆娘親手整既scone/muffin。落單後睇住老闆好用心咁為你炮製食物，成個過程真係好治癒，有種偷得浮生半日閒既感覺。湯品全部自家製。番茄湯全用新鮮番茄、洋蔥、西芹打成，冇加茄膏／色素，健康得黎又食到食材既原味道。意式三文治共有七款選擇，巴馬火腿係即場刨片的，充滿油香，配上淡味既水牛芝士、火箭菜、車厘茄、橄欖油及外脆內軟既意式包，簡單既配搭加上新鮮食材，實而不華，味道一流。另外，店內仲有賣有機汽水，好奇之下試左血橙口味，又唔錯喎，好特別。天然健康有機，顛覆左汽水就唔健康既形象，值得一試。同行同朋試左意大利Organic Cola同埋Cappuccino。Cola味道特別，較一般可樂多少少焦糖味。Cappuccino奶同咖啡既比例幾岩朋友口味，無蓋過咖啡既味道。高昂既租金下，香港小店真係買少見少，難得遇見一間咁有誠意咁用心又好味既，真
由於係一人小店，招待客人、處理訂單、食物製作甚至沖咖啡都係老闆一手包辦，食物選擇唔多，以意式三文治為主，好彩的話仲會有老闆娘親手整既scone/muffin。落單後睇住老闆好用心咁為你炮製食物，成個過程真係好治癒，有種偷得浮生半日閒既感覺。
湯品全部自家製。番茄湯全用新鮮番茄、洋蔥、西芹打成，冇加茄膏／色素，健康得黎又食到食材既原味道。
意式三文治共有七款選擇，巴馬火腿係即場刨片的，充滿油香，配上淡味既水牛芝士、火箭菜、車厘茄、橄欖油及外脆內軟既意式包，簡單既配搭加上新鮮食材，實而不華，味道一流。
另外，店內仲有賣有機汽水，好奇之下試左血橙口味，又唔錯喎，好特別。天然健康有機，顛覆左汽水就唔健康既形象，值得一試。
Organic sparkling blood orange
4 瀏覽
0 讚好
0 留言
同行同朋試左意大利Organic Cola同埋Cappuccino。
Cola味道特別，較一般可樂多少少焦糖味。
Organic cola
5 瀏覽
0 讚好
0 留言
Cappuccino奶同咖啡既比例幾岩朋友口味，無蓋過咖啡既味道。
Cappuccino
5 瀏覽
0 讚好
0 留言
高昂既租金下，香港小店真係買少見少，難得遇見一間咁有誠意咁用心又好味既，真係好值得支持。
張貼
