龍悅 (禾輋廣場) (已結業)

過嚟禾輋買餸，搵埋爸爸媽媽一齊飲茶， 商場3樓《龍悅》是一個好選擇，地方企理乾淨，點心即叫即蒸。先來熱辣辣炸起鹹水角，一人一件，食完才記起未影相，大家肚餓啦。點了兩款午市特價點心($9.9@)~蟹籽燒賣(兩粒)及鮮蝦餃(兩粒)，最啱人少少，可以試多款。仲有乾蒸牛肉燒賣，這個不是周圍食到，大大粒好抵食。南乳炆豬手好夠味，略嫌未夠淋。籠仔荷葉龍躉蒸飯，新鮮熱辣蒸起，爸爸喜歡吃魚，大大件龍躉，越食越滋味，加咗雞髀菇及鮮冬菇，飯係炒底，蒜蓉香氣撲鼻。老人家想吃一些甜品，這店有千層薑汁糕，功夫多自己唔會整，這個不錯呢。自己不太喜歡薑味甜品，所以揀選紅棗糕，原來這個也是老人家非常喜歡的口味。下午茶一點半就開始啦。