秘 (偉晴街)

營業中

休息中

一入去就聞到好香黑松露味，但怕黑松露會搶左牛味唔夾，所以冇試到，但係我後悔了，因為隔離台叫左真係好香，下次一定要試下。　板燒吉列牛本身食過幾次都覺得一般，今次真係覺得神級好味！餐廳建議每面燒１５秒最好食，我本人唔食太生，每面都燒左一分鐘都仲係好嫩口，好重牛味。加上吉列脆脆口感非常好，仲有一碟鰻魚汁可以點，超夠味。蒲燒原條鰻魚飯鰻魚飯除左原條係賣點外，價錢都係重點之一，好少見原條鰻魚飯賣78蚊咁平，鰻魚燒得香口，慢慢魚油香。超正！兩個飯都加左套餐，套餐有一隻溏心蛋，一條可愛金魚形象既大蝦餃，飯上面都會加Ｄ脆紫菜。金魚餃餃皮涷左變硬要盡快食，餃入面有大大粒蝦好爽口。　脆蝦波$48炸到脆卜卜，加上千島醬。細細粒一口過。