焱丸水產 (已結業)

平日晚上約左朋友到銅鑼灣的焱丸水產食飯，呢度既人客好多好熱鬧，未入到去已經好快聞到個隻磯燒海鮮既香味。坐低後叫左一d磯燒扇貝、蠔等海鮮，同時都叫左份蕎麥麵、日式牛肉蔬菜鍋同另外叫左份日式三文魚丼飯一齊食，同時都叫左一d特飲，呢度比較多酒精飲品既選擇。個人非常喜歡呢度既磯燒海鮮，全部都非常新鮮，燒過後非常香口好食，亦會有店員協助。而三文魚丼飯都好豐盛，仲配左個手卷，加埋個牛肉鍋足以食到非常飽足。呢度既環境雖然有d嘈，但同朋友係度吹水都好有氣氛。