焱丸水產 (已結業)

今晚表弟約左我食飯, 佢揀左黎焱丸水產~~ 反正未食過, 就一於試下! 我一開始我地先一人一杯野飲, 佢要左杯乳酸, 我就要左杯巨峰乳酸解解渴!之後就叫左個焱丸海鮮沙律，入面咩料都有，eg 三文魚、吞拿魚、八爪魚、青瓜粒、蕃茄粒,ETC 加埋D 汁，愈食愈開胃～～小食叫左個蓮藕片，好卜卜脆，好似薯片咁正。之後就黎個刺身三盛，有三文魚、帶子、油甘魚，全部都好新鮮肥美！而我地仲另外叫左個梭子魚，好特別，長長的，而且肉質鮮美、甘香～另外怕大家唔夠飽，仲叫左個三文魚卷，不過不失！亦叫左個蠔鍋飯，入面勁多粒蠔，仲要粒粒都好大粒、肥大，好正呀！！另叫左個牛油粟米，好耐冇食HAHA，不過有D 貴。。。最後當然要磯燒下啦，叫左帶子同蜆～侍應會幫我地燒埋的，佢會幫埋我地調味，完全唔洗煩。帶子同蜆食得出鮮味，食完已經好滿足～～下次可以再黎磯燒下其他野，唔錯！！