N1 Coffee & Co

營業中

休息中

放暑假就一定要周圍去，平日都已經喺大城市度忙到透唔到氣，難得放假就去啲近郊地方hea下。下晝五點左右西貢嘅N1同尖沙咀嗰間感覺好唔同。成間鋪入面包括我哋先得兩枱客，大家都靜靜咁享受寧靜嘅下午。今次叫咗Banoffee，Flat White，ChocolateTruffle同Hot chocolate。先講杯Flat White，咖啡比例合適，帶一點甘味，個人覺得唔洗落糖都可以，但略嫌唔夠熱，如果再熱啲就會令咖啡味更香。Banoffe，一望落去成吋厚Cream一定好膩，但食落又唔算太膩。甜度適中，餅底香脆。但建議要一叉到底嚟食，咁先可以食到佢嘅層次，同每一啖都可以食到香蕉肉。Hot chocolate，一個字可以形客哂「甜」，太甜了。。。。。。Chocolate Truffle，對我呢個朱古力怪嚟講呢個簡直係大愛，好濃嘅朱古力味，用上可可粉灑面，令佢唔會太甜之餘再令人覺得朱古力更重。好多謝店員喺蛋糕碟上畫嘅裝飾，簡簡單單，但一望到就會令人開心。如果再要去N1我都係會選西貢呢間，因為坐得好舒服。