影片
更多
2011-12-04
137 瀏覽
好多時，餐廳開左分店，又或者搬左鋪，水準同風味已經不再，例子真係多到你唔信，今次主角係由地牢搬上對面樓既新寧。是日預先訂了枱，係食後一輪既八點，準時黎到，不過都要等到八點三先有得入座，其實要等多陣都真係無咩所謂，不過門口的小姐竟然來過黑面，確實係有點hard feeling。到一坐底既時候，坦白講，餐牌都未打開就有位人兄企係黎隔離期望你落單，雖然都預先想好食D乜，不過都想望下MENU，睇下有冇驚喜，乜得佢真係咁趕收工咩，定係仲想做多輪生意呢？說多了，講返食野，先黎既小餐飽係一貫既熱，是穩陣的。唔係個個叫餐既關係，湯只有兩款，係蘑菇湯同周打魚湯，濃郁就係本身既賣點，市面上有不少西餐老店既餐湯已經稀釋得飲不下去，這裡的依舊濃郁，還是飲得過的。吃主菜前有焗田螺同焗西蘭花。焗田螺，薯蓉有芝士香味，焗得熱烘烘，調味正正常常，基本上都冇失手既地方。焗西蘭花，芝士夠多就係呢味既特色。我來這裡的首選係牛仔柳。汁依舊濃郁，肉軟腍，無牙黎食都唔成問題，不過牛柳本身無咩肉味，個味係靠個汁，有點失色了的牛柳。豬手係另一款我會叫的，鹹味唔多夠，肉算是幼滑，可以叫做挽回D分數。羊架要五成熟，不過應該有八成，正正常
是日預先訂了枱，係食後一輪既八點，準時黎到，不過都要等到八點三先有得入座，其實要等多陣都真係無咩所謂，不過門口的小姐竟然來過黑面，確實係有點hard feeling。到一坐底既時候，坦白講，餐牌都未打開就有位人兄企係黎隔離期望你落單，雖然都預先想好食D乜，不過都想望下MENU，睇下有冇驚喜，乜得佢真係咁趕收工咩，定係仲想做多輪生意呢？
說多了，講返食野，先黎既小餐飽係一貫既熱，是穩陣的。唔係個個叫餐既關係，湯只有兩款，係蘑菇湯同周打魚湯，濃郁就係本身既賣點，市面上有不少西餐老店既餐湯已經稀釋得飲不下去，這裡的依舊濃郁，還是飲得過的。
吃主菜前有焗田螺同焗西蘭花。焗田螺，薯蓉有芝士香味，焗得熱烘烘，調味正正常常，基本上都冇失手既地方。焗西蘭花，芝士夠多就係呢味既特色。
我來這裡的首選係牛仔柳。汁依舊濃郁，肉軟腍，無牙黎食都唔成問題，不過牛柳本身無咩肉味，個味係靠個汁，有點失色了的牛柳。豬手係另一款我會叫的，鹹味唔多夠，肉算是幼滑，可以叫做挽回D分數。羊架要五成熟，不過應該有八成，正正常常的一款。牛脷同牛柳有相似既地方，個汁蓋過本身既味道。
甜品點了香蕉批用雪山，雪山依舊經典，蕉批偏甜，不過個甜都係可接受，兩款都不錯。埋尾的檸茶，其實不太特別，不過最近飲了不對路的檸茶，貼出黎，都係想講睇色水，這樣先叫正常的檸茶，唔係黑媽媽，檸檬係底果D LAW。
跟以往比較，主菜水準真係很一般，唔通真係中左搬左鋪水準不再既魔咒。
張貼
