盔匠

營業中

休息中

作為石門嘅常客，有新野開梗係第一時間去試啦~🔹鍋盔🔹 即叫即整~見到師父拎個麵團即喺面前搓，再放入個瓦鍋到，熱烘烘嘅感覺好開心~師父話有成300度，但見佢徒手就放個鍋盔落去烤，好勁呀！我問佢真係讀頭盔個盔，佢話係，或者叫佢鍋夫都得喎~烤完佢會放涼一下先入袋，但都仲係好熱辣辣，咬落去好香脆，感覺係類似pizza邊嘅油香，但又胡椒餅嘅芝麻香酥味~揀左牛肉同咖哩雞口味~好香牛肉味同濃咖哩味，各有各好食！🔹開心牛油果乳酪奶昔🔹飲得出嘅足料！飲到微粒開心果，見到粒粒牛油果喺面，飲落去三種味道都好突出，第三種味道就係乳酪味，酸酸甜甜，同好重果香，味道好有新鮮感！🔹芒果乳酪奶昔🔹又係睇得出嘅足料，好重鮮芒果味，加上乳酪嘅酸甜，又係好滿足~🔹水果乳酪雪糕🔹好值得推介！食落去係乳酪雪糕嘅味道，但一粒粒，好有口感~中發白嘅造型一定係打卡之選，雖然係原味，但字樣係脆脆朱古力，又加多重咬口~本人覺得所有水果口味都超好食！好有原本水果嘅味道！試完真係要encore同推介俾大家！