牛極 (雅怡居)

營業中

休息中

作為食肉獸嘅我，除咗打邊爐，食韓/日式燒肉，鋸扒當然亦係理想選擇之一。前一排見到網上流傳，深水埗有間石燒牛扒店大排長龍，就一直心思思想試試，今日機會黎到喇，行經牛極，眼見一樣主力賣石燒牛扒，於是入去食個lunch，一入門口，店員提示到日式販賣機前點餐，將飛交俾店員後就可以入座等食喇，店內設有自助吧，可以去裝沙律，白飯，湯，暖下胃先，今日飲到嘅係番茄牛肉湯，幾清甜，牛味濃。主角上場喇，我地叫咗牛肩肉眼&牛肋骨排，每塊牛排都係幾乎全生，放上燒到好熱嘅石板再送黎，想食幾成熟全由自己話事，塊石板係食完時都仲熱嘅，所以小心唔好掂到呀。牛扒肉質唔錯，肉味好香，牛肋骨肉質好嫩，牛肩則比較有咬口，自助吧提供咗三款醬，俾大家可以點牛扒食，但個人最鍾意係每桌都有擺放嘅岩鹽，雖然無複雜嘅香料，但單單只係鹹味就可以將牛扒嘅味道提升一個層次，非常推薦大家一試。