All About Nuts (裝修中)

呢間小店小編一直好想嚟，因為佢嘅堅果醬全部自家製，無添加即叫即磨。嚟到嘅時候都有唔少嘅人過嚟買，特別係開心果醬，非常之受歡迎。（不過留意堅果醬每日只限兩款，視乎貨源供應。）西多士亦都係即叫即整，需要等若干時間。佢嘅賣相非常之靚，店主已經將西多切成細細舊方便一啖過。每舊西多中間夾住佢哋嘅開心果醬，再沾上蛋漿拎去煎，最後林上焦糖煉奶醬同撒上開心果碎，非常邪惡。味道整體來講會比較甜，入口主要係焦糖煉奶味，而焦糖味道唔算非常之出。之後會有一陣幽幽開心果嘅堅果香，唔會非常之搶，證明真材實料，唔係化學調味。（如果怕太甜可以試堅果醬三文治）質感上麵包比較淋，亦都係我唯一唔太鍾意嘅地方。可以見到佢每嚿麵包由外到內都係沾滿蛋漿，成嚿都呈金黃色。咁做令到麵包過淋，之前食過興記佢係用新鮮麵包切出嚟，再沾上一層薄薄嘅蛋漿，咁就可以食到蛋香同麵包嘅彈性。另外，佢用煎嘅方式亦都唔會好似一般西多咁外脆內軟，但我覺得都可以接受。欣賞佢加咁開心果碎，多啲咬口。後記：小編第一次嚟到石硤尾呢個地方，因為歷史緣故，呢度有好多嘅舊長型公營房屋，而且中間會有行人天橋接駁，遠處仲見到獅子山。我一直都覺得呢個地方只係普通嘅舊區，今次