岩盤牛扒 ミディアムレア ステーキ (香港嘉里酒店) (已搬遷) 新店位置

放假去左黃埔玩，lunch喺紅磡碼頭旁邊既嘉里酒店1樓 foodcourt食飯。果度有間食石燒牛扒餐廳，見到玻璃櫃入面啲牛肉好正咁，啲牛肉打晒燈閃lingling好似叫我快啲食左佢。個foodcourt超級大，外國木系風格，好有渡假感覺。仲要有個無敵海景喺出面，呢個foodcourt真係非一般！欣賞緊個靚靚海景時，喺岩盤牛扒 ミディアムレア ステーキ 點左既兩份牛扒套餐送到。每份牛扒300g，份量十足，即叫即切即燒，新鮮熱辣。牛扒加轉套餐$30就有，可以任選3款食品，幾抵食。西冷牛扒300g套餐 $219＋30配蒜蓉，套餐配白飯，味噌湯，沙律肉眼牛扒300g 套餐 $213＋30配蒜蓉，套餐配白飯，溫泉蛋，沙律牛扒喺岩盤上za za聲，外層已熟，切開內裡呈現粉紅，按自己喜好控制熟度。岩盤好keep到熱，同時亦能幫牛肉鎖住肉汁，唔會因為高溫直接辣住肉塊太耐而燒到乾硬。