180 POPCORN (K11購物藝術館)

營業中

休息中

早幾日歐聯8強賽事，本人為多年阿仙奴球迷，見到愛隊經過咁多年終於入到8強，點都要睇直播支持下。嗰人放工返屋企經過見到呢間爆谷店，就諗不如買包返去睇住波食住睇，過下癮！！！我買咗兩包，一包焦糖味，一包限定士多啤梨味。夜晚場波只係踢咗半個鐘，已經畀我清晒兩包，實在太好味！士多啤梨有陣清甜微酸味道，就算當時係零晨3點幾4點，我都畀佢整到食欲大増，哈哈！建議大家焦糖味放最後先食，因為個種甜度會遮蓋咗士多啤梨味道。