影片
港鐵尖沙咀/尖東站 N2 出口, 步行約1分鐘
繼續閱讀
付款方式
以上資料只供參考, 請與餐廳確認詳情
尋日屋企粒仔生日，K11食完飯原本想去樓下宜傢食個雪糕。點知經過電梯，忽然有陣好香嘅甜味。一望原來係呢間鋪頭整緊爆谷，個仔一野就衝咗埋去話想食。咁生日當然滿足佢願望，我地就買咗兩包細嘅比佢，佢又幾識揀，好有主見咁話想食朱古力味同蜜瓜味。一拎上手，就feel到成袋到漲曬，勁足份量，又唔會勁多油。一打開，個香味就湧出黎，聞到好清香嘅蜜瓜，同埋滾郁朱古力，好想知佢點做到！勁真。一放入口，勁脆剛剛整好所以暖笠笠，個口感好正。仲要每粒都做到咁嘅質素！
繼續閱讀
以前食過其他爆谷明明兩隻味係一款甜味，一款鹹味，但兩隻mix埋一齊就變得好正。一直想喺180Popcorn都試吓，但選擇味道邊面就需要好緊慎，萬一揀衰咗就。。。甜味我揀咗焦糖，因為焦糖夠曬經典，點溝埋其他應該都唔會差得去邊，安坐選擇！鹹味我揀咗海鹽牛油，牛油香配焦糖，諗起都正我帶咗之前喺度買過嘅罐mix, 兩包各拎一半倒落去再撈埋黎食。海鹽中和咗焦糖嘅甜味，而牛油香又令焦糖更香，兩者完美配合！利申：其實人地鋪頭冇得咗兩樣一半一半咁買，只係我自己各買一包拎黎撈，想試嘅朋友都要有冒險精神！！
繼續閱讀
經過K11見到有綠色嘅爆谷，以為係綠茶味，女朋友又好鐘意食，就諗住買包比佢食。點知行近一睇見到menu寫melon。嗰一下我個腦load咗一load, 吓！！乜爆谷都有蜜瓜味，由細到大蜜瓜味嘅野淨係試過蜜瓜奶。女朋友話都想試下所以買咗一包，諗住一邊行k11一邊食。一打開個袋就好大陣蜜瓜味衝出黎，呢種係feel到同真嘅蜜瓜差唔多嘅味黎。而且望落見到每粒都包住咗蜜瓜糖漿，好足料。女朋友完住忍唔到一手已拎走一堆食，話以後經過都要買包大嘅，因為粒粒都好脆。
繼續閱讀
由於本人有選擇困難症見到呢間爆谷有勁多款味，都唔知揀邊款好🍿問咗個店員好多問題，甜定咸，辣有幾辣？個店員好好人又好細心咁答我，最後我揀咗朱古力味。因為我驚焦糖味太甜！如果要形容呢隻朱古力味，我覺得有啲似g字頭嗰隻味，因為好明顯唔係便利店買到嘅chocolate bar嗰種朱古力甜味。甘甜之中帶少少苦味，苦後又會有啲回甘上個舌頭，真係好正！難怪個定價會係呢個定位，我覺得都值嘅！另外想贏下佢地個罐，外觀好靚，用完食爆谷之後洗一洗，就可以用黎裝其他野，好環保。
繼續閱讀
可能放lunch時間去，個個準備返office，排長龍等咗大約8-10分鐘。不過唔緊要，爆谷質素仲keep得好好，店員冇因為忙而手忙腳亂。本身揀海鹽牛油味因為唔太鐘意食套甜嘅嘢。呢一款真係恰度好處，個種海鹽咸味有牛油香中和返，兩者味道可以話係perfect balance！我拎咗返office食，啲同事見到本身話想試一粒，試完之後就係咁拎，幾個人好快就食完。個個都好鐘意隻鹽嘅回甘味。食完覺得唔夠喉，但office hour又廢事落去啦
繼續閱讀