影片
更多
2016-03-18
3946 瀏覽
今日出發之前一家落去屋企附近嘅舊式酒家飲個靚茶先雖然佢唔係叫酒家，但係都一樣有得嗌一盅兩件一間唔係中環但係叫Central Restaurant嘅「中央飯店」超級老字號飯店一入到嚟所有童年回憶番哂嚟!大家依家飲茶都係Tick點心紙, 真係好耐都未見過有推車仔既酒樓啦我哋朝早10點多入到嚟都坐無虛席呢度唔會好似依家D酒樓有得拎飛等位, 只有靠自己去搵有冇吉枱坐, 好在啱啱俾我搵到張!因為太肚餓既關係, 見到有架車推到嚟面前, 有咩都即刻拎幾籠嚟食好有懷舊Feel, 大家都係走埋去架推車仔度, 自己掀開個蒸籠蓋睇吓有咩食嘩! 煎榚點車呀!好耐冇見過...叫蘿蔔榚煎腸粉就係企喺車隔離等姐姐慢慢煎如果煎上嚟件蘿蔔榚有少少崩咗就會搭條腸粉或者加少少其他榚湊夠一碟我鍾意呢種隨意既心情味!仲見到其他炸物, 粥品餐車!正呀, 春卷.....正呀, 皮蛋瘦肉粥加薄脆!見到呢個日曆, 真係一陣懷舊味番哂嚟!絕對正宗懷舊...唔係嗰D新舖裝修扮懷舊!
今日出發之前一家落去屋企附近嘅舊式酒家飲個靚茶先
雖然佢唔係叫酒家，但係都一樣有得嗌一盅兩件
一間唔係中環但係叫Central Restaurant嘅「中央飯店」
超級老字號飯店一入到嚟所有童年回憶番哂嚟!
大家依家飲茶都係Tick點心紙, 真係好耐都未見過有推車仔既酒樓啦
我哋朝早10點多入到嚟都坐無虛席
呢度唔會好似依家D酒樓有得拎飛等位, 只有靠自己去搵有冇吉枱坐, 好在啱啱俾我搵到張!
因為太肚餓既關係, 見到有架車推到嚟面前, 有咩都即刻拎幾籠嚟食好有懷舊Feel, 大家都係走埋去架推車仔度, 自己掀開個蒸籠蓋睇吓有咩食
嘩! 煎榚點車呀!好耐冇見過...叫蘿蔔榚煎腸粉就係企喺車隔離等姐姐慢慢煎
如果煎上嚟件蘿蔔榚有少少崩咗就會搭條腸粉或者加少少其他榚湊夠一碟
我鍾意呢種隨意既心情味!
仲見到其他炸物, 粥品餐車!正呀, 春卷.....正呀, 皮蛋瘦肉粥加薄脆!
見到呢個日曆, 真係一陣懷舊味番哂嚟!絕對正宗懷舊...唔係嗰D新舖裝修扮懷舊!
題外話/補充資料：
雖然唔高分, 但係食真正懷舊風囉! 可以見番兒時茶樓既煎蘿蔔榚車, 皮蛋粥車, 炸點車等等...(回憶中)
(以上食評乃用戶個人意見 , 並不代表OpenRice之觀點。)
張貼
