Seasons Restaurant & Bar

營業中

休息中

難得有好鍾意香港既尼泊爾菜，網上評價一面倒全部話好食，今日嚟試一試佢。星期日午市，餐廳只有兩三枱客，有點冷清，大家要多多支持。環境乾淨舒適，幾好坐。星期日竟然有午市套餐，每個幾十蚊，有餐湯飲品，仲唔收加一，真係去邊度搵。四個人叫咗四個套餐一齊食。招牌特色沙律幾大碟，菜式豐富，除咗沙律菜，仲有牛油果、雞蛋，蔬菜新鮮，四個人分都唔會覺得少。四季薄餅有四件，餅底係薄底，啱啱食落去唔覺得有什麼特別，但上面嘅cream真係好好食，我仲特登問侍應係點整，佢話係大廚特意調製嘅，所以先叫四季（店名）薄餅。呢個cream真係不得了，令成個Pizza都生色不少。因為有朋友唔食牛羊，所以兩個咖喱都選左雞肉。印度奶油雞一食落去好香香料味，非常好食，雞唔會太軟或太韌，印度薄餅十分鬆軟，幾正。相對來講咖喱雞就比較普通，唔係話唔好食，但因為奶油雞太好食，所以就顯得普通。奶油雞同咖哩雞都完全唔辣。餐湯正常。餐前小食好香口，好味😋總括來講，呢間就算唔係黃店我都會再嚟，更何況佢係黃店，以後我嚟親佐敦都會嚟食👍👍。