一起食堂 (域多利皇后街)

營業中

休息中

呢間餐廳嘅名叫做一起食堂真係幾似個食堂（無論價錢、環境、速度，唔怪之得佢嘅時候人頭湧湧）🍲紅燒三寶牛肉麵，本身以為啲面喺台灣麵，但其實佢係類似烏冬；牛肉包括牛腱、牛丸、牛肋條，每款都幾入味～🍱黑糖豬軟骨飯，呢個係好似一個便當形式，有飯有湯有配菜仲有甜品仔。首先個湯係蘿蔔湯，幾清甜，然後側邊有啲海草同埋細粒紫薯仔，都幾有誠意。主菜豬軟骨好林，有豐富嘅黑糖味道，幾好味！ 🥟府城蝦巻，呢個蝦卷都算係真材實料，幾脆幾好味🥬肉燥燙青菜🥬可以平衡返呢餐嘅肉類，佢啲炸蒜都幾好味🧋紅豆奶茶🫘芋圓仙草凍：呢個好驚喜，因為超大碗，勁多粒芋圓，食完好飽🤣🤣🤣中環嘅真食堂！