影片
更多
2022-05-15
2142 瀏覽
留意到長沙灣開咗呢間萍萍上海館，作為滬菜lover, 小妹即刻要黎試試，食咗下午茶。抵食程度非常高，不過味道尚可改善一下。首先 睇下招牌上湯小籠包4隻35蚊，個樣真係唔係好得，蒸過龍，個皮都變晒樣。發脹晒不太吸引，但食落個味係啱既，同正宗上海小籠包一樣味，而且都幾多汁，佢個餡都算新鮮既，係個皮的質感較厚。唔難食，但唔會特別推下午茶時段，分別叫咗上海排骨菜飯同酥炸雞扒飯，上海排骨菜飯中的菜比例較少，得面頭兩三條，撥開底下白飯為主但係份量算多，而且下午餐時段只係42蚊包老火湯同飲品，呢個價錢真係好抵！上海排骨即係炸豬扒，同酥炸雞扒比，後者係比較好味，肉質較鬆化，而佢既上海排骨同另一間深水埗福榮街上海萬家村比，我覺得呢度稍為好食少少，冇咁油，調味適中。兩款飯食落都比較乾，建議個湯唔好咁快飲晒，配住個飯一齊食比較好。另外叫咗招牌口水雞湯麵($40)呢個就冇老火湯 送嘞，見到面頭有芝麻醬都心知不妙，so far都好少見有口水雞有咁大量既芝麻醬食落唔辣，但雞肉肥膏多，肉質較韌較實，有陣時啲冰鮮雞整得好都可以同新鮮雞幾可亂真，佢呢個冇，感覺冇咁新鮮，如果呢個口水雞係有招牌兩個字，咁我有 啲擔憂⋯⋯湯
作為滬菜lover, 小妹即刻要黎試試，食咗下午茶。
抵食程度非常高，不過味道尚可改善一下。
首先 睇下招牌上湯小籠包4隻35蚊，
個樣真係唔係好得，蒸過龍，個皮都變晒樣。
發脹晒不太吸引，
但食落個味係啱既，同正宗上海小籠包一樣味，而且都幾多汁，
佢個餡都算新鮮既，係個皮的質感較厚。
唔難食，但唔會特別推
下午茶時段，分別叫咗上海排骨菜飯同酥炸雞扒飯，
上海排骨菜飯中的菜比例較少，得面頭兩三條，撥開底下白飯為主
但係份量算多，而且下午餐時段只係42蚊包老火湯同飲品，
呢個價錢真係好抵！
上海排骨即係炸豬扒，同酥炸雞扒比，後者係比較好味，
肉質較鬆化，
而佢既上海排骨同另一間深水埗福榮街上海萬家村比，我覺得呢度稍為好食少少，
冇咁油，調味適中。
兩款飯食落都比較乾，建議個湯唔好咁快飲晒，配住個飯一齊食比較好。
另外叫咗招牌口水雞湯麵($40)呢個就冇老火湯 送嘞，
見到面頭有芝麻醬都心知不妙，so far都好少見有口水雞有咁大量既芝麻醬
食落唔辣，但雞肉肥膏多，肉質較韌較實，
有陣時啲冰鮮雞整得好都可以同新鮮雞幾可亂真，佢呢個冇，感覺冇咁新鮮，
如果呢個口水雞係有招牌兩個字，咁我有 啲擔憂⋯⋯
湯麵較清淡，配咗啲菜，唔係好覺有味精，
配上海面，彈性適中冇煮過龍
我自己覺得唔錯
總結
呢間真係幾抵食，尤其飯餐又送湯又送飲品，
我地見到個價同俾到既份量，真係嘖嘖稱奇，
服務算親切。
食物唔算差，改善空間較大，
品類眾多，可以試多次既。
張貼
