光榮冰室 (厚福街) (已結業)

依家新開好多叫「冰室」，然後裝修好似好有「香港情懷」，賣出黎嘅同一般茶餐廳無分別，有啲更甚，完全唔似係咩。厚福街相信好多人都去過，搵嘅係樓上西餐或者打邊爐，其實呢度仲有一間冰室，真正係稱得上香港冰室。當然依傳統，無可能再只能賣小食或飲品，維持唔到香港嘅高租金。要有啲簡陋，要有茶餐，選擇唔多但頹飯超得。完全幾乎自助，香港人就算排隊都好有規矩，會等，會忍耐。先來杯熱奶茶，茶味係夠，奶有小小，我個人覺得有小小澀。椒鹽豬扒飯，完全無俾少你嘅意思，豬扒係好多即叫即整，無翻油整嘅味，不過乾左小小。咖喱汁牛肉漢堡煎蛋飯，同樣無俾少你。但係只得咖喱，漢堡味道尚可。呢個係重點推介，我係好耐無食過呢種邪惡嘅飯，煎蛋炒得好靚仔，叉燒有啲肥仲有啲「窿」，塗上甜鼓油，成碟真係邪惡到無朋友，夠哂飽同滿足，濕濕地又唔會太乾，一年有一次都唔過分。12點前40元，12點半行出去，條龍排到H8，大家都係撐，食飽去行街。