影片
更多
2025-04-14
37 瀏覽
今日行到見到川菜館「喜歡你」，個名幾得意，門面細細但陣陣鑊氣香飄出嚟，即刻拖住朋友入去試吓。我哋揀咗紅燒肥腸麵同香辣牛肉鍋配飯，未食已經聞到隔離檯傳嚟嘅辣椒香，即刻醒曬😋紅燒肥腸麵🍜上枱時熱氣騰騰，麵碗大到差啲捧唔住，濃郁嘅醬油湯底滲住八角同花椒香，肥腸處理得好乾淨，咬落去軟腍中帶點韌度，肥膏位入口即溶，完全無異味，反而充滿滷水香。麵條選用粗身蛋麵，掛湯力一流，撈勻時連湯帶麵一齊入口，鹹香中帶少少微辣~香辣牛肉鍋配飯🌶️🥩 成個砂鍋捧上嚟時還在滾，紅彤彤嘅辣油裡面鋪滿大片牛肉，陣陣麻香撲鼻，牛肉切得厚薄適中，嫩而不韌，呢個辣度對我哋呢啲鐘意中辣嘅人嚟講剛剛好，食完額頭微微出汗，成個身體暖笠笠，冬天食應該更正！😉📍中環機利文新街24號地舖港鐵上環站 E1 出口, 步行約3分鐘
紅燒肥腸麵🍜
上枱時熱氣騰騰，麵碗大到差啲捧唔住，濃郁嘅醬油湯底滲住八角同花椒香，肥腸處理得好乾淨，咬落去軟腍中帶點韌度，肥膏位入口即溶，完全無異味，反而充滿滷水香。
麵條選用粗身蛋麵，掛湯力一流，撈勻時連湯帶麵一齊入口，鹹香中帶少少微辣~
香辣牛肉鍋配飯🌶️🥩
成個砂鍋捧上嚟時還在滾，紅彤彤嘅辣油裡面鋪滿大片牛肉，陣陣麻香撲鼻，牛肉切得厚薄適中，嫩而不韌，呢個辣度對我哋呢啲鐘意中辣嘅人嚟講剛剛好，食完額頭微微出汗，成個身體暖笠笠，冬天食應該更正！😉
📍中環機利文新街24號地舖
港鐵上環站 E1 出口, 步行約3分鐘
張貼
