呢間餐廳重有得食Omakase，不過今次我既目標係浜燒！
新鮮即撈即燒，正呀！
覺得隻杯好令，所以影
呢道蟹肉沙律令我幾滿意，特別係我本身好少食沙律。
蟹肉的味道幾鮮甜，唔會係雪藏蟹個種冰雪味。醬汁適中唔會太濃，食落幾清爽。加上蟹子的味道同口感，幾滿意。
刺身五盛，有活赤貝丶加拿大海膽丶赤蝦丶三文魚同劍魚腩
赤貝好新鮮，所以唔會有腥味。口感好爽口，食落甜甜地，好滿意
赤蝦，冇野可以講，一個字，甜！勁甜！
海膽大大片，好鮮味，又甜，超正!!!
新推出的櫻花可樂，味道好特別。好多汽，甜甜地，幾特別。
重點黎啦！浜燒盛合，有日本蠔丶蟹蓋甲羅燒丶鮑魚丶龍蝦同埋活刀貝
快D燒啦~口水流啦！
有服務員幫忙燒~燒得好用心！抵讚
燒得岩岩好的蠔，唔會燒過頭而冇哂汁同埋乾身。食落口依然好多汁，入口好甜，夠哂肥美！
活刀貝又係燒得勁用心，你可以見到有勁多汁，勁Juicy呀！味道同清酒醬油配合得幾好，重食到好甜的貝類味道。大愛！
帆立貝，唔會燒到乾爭爭，入口好軟滑，好味道！我飲哂所有汁添。
口感軟腍腍，好味道！
蟹蓋甲羅燒好特別，同其他地方比較重味噌的感覺唔同，呢道冇味噌的味道，但係有好香好甜的蟹肉味道，反而可以食到蟹肉的鮮味！加上薯片的姐合，幾特別！
真心推介系列 - 日本炸雞件 (勁好食❗️)
係香港食過無數炸雞，港式丶美式丶韓式丶土耳其...咩炸雞都試過，但呢道炸雞真心係我係香港食過最好食的炸雞
炸雞以薄薄的炸漿包住，一咬落口就爆哂啲汁出黎!!!
人生第一次食到咁正嘅炸雞，入面嘅雞肉竟然好嫩滑，係嫩滑呀！外脆內嫩滑，真係炸得超好食！驚喜
龍蝦配牛油，永遠係王道
肉質嫩滑的龍蝦，口感爽身，味道好香牛油味，加上龍蝦的甜味。正！
黑松露味岩岩好，唔會太濃而搶去菇的味道。
最後，用烏冬填滿個胃先！
口感清爽的雪葩~清清味蕾~正！
