浜焼き

提早為朋友慶祝的生日飯😃店內地方雖然不大，但坐位空間也算寬敞👍🏻預早訂坐，晚上6點開吃，慢慢的邊吃邊點，蟹肉沙律味道很相配，雞泡魚干口感不錯(份量略小😅)，雜錦刺身、壽司😋😋，甲羅燒(燒蟹蓋)配薯片也很特色，燒扇貝有點失色，串燒的份量多一點更好😆點了一瓶櫻花吟釀，配上特色的盛酒器加上可愛的小酒杯，暢飲加分了😁服務員了很友善，三個多小時就輕鬆的過去了，經open rice訂坐更享有優惠👍🏻👍🏻…查看更多

經過又窄又多人的流尚坊電梯大堂，到達五樓的Hamayaki jiro Japanese restaurant.一步入餐廳，感覺開揚雅緻。正值午餐時段，沒有多久，全場爆滿，就連露台位置也坐滿食客。這兒的午餐有十八款，有刺身、壽司同熟食等，價錢由$88-$238。 輕井澤雞扒玉子定食$88沙律前菜，曰式蒸旦，味噌湯沙律是清爽的；味噌湯味道麻麻，比較鹹；而蒸旦口感滑溜。這個輕井澤雞扒玉子飯賣相麻麻，真的有點失望。雞扒並不是雞扒，只是滑旦混合少量雞肉碎件而已！而輕井澤雞肉和平曰的雞肉分別唔大，也沒有太多的調味，只有靠混著滑旦和飯汁一起吃才夠味。雙色迷你飯定食（免治吞拿魚丼、鰻魚丼）$98這個定食實在是迷你！估唔到兩個丼真的咁迷你，連女生也不夠飽。免治吞拿魚丼只有一湯匙左右的呑拿魚；而鰻魚只有幾細片，約兩小件鰻魚壽司的鰻魚份量，份量實在太少了！然而免治吞拿魚丼、鰻魚丼味道是穩當的，唔會難食也沒有驚喜。幸而還有個迷你烏冬可以醫下肚，不然的話，一定餓。燒三文魚腩邊飯定食$98這個定食有牛舌、燒三文魚腩。燒三文魚腩份量唔少，表面燒得焦香，魚脂豐富，三文魚肉幾嫩口又唔腥，配上牛舌、甜旦同咸香的三文魚子，和風十足。黑豚玉子丼定食$98這個黑豚玉子丼即是吉列豬扒滑旦飯。雖然吉列豬扒稔左少少，肉質軟稔中帶口感，但份量十足。加埋嫩滑玉子同白飯，幾好味又飽肚。整體而言，這兒的味道ok, 用餐環境也不錯，但部分餐點的份量比較少，性價比可以, 一試無妨。…查看更多

星期日夜晚來, 訂左枱, 來到人客唔算太多, 舖雖然唔大, 但每枱都有點距離, 所以都算靜, 叫餐每位計$880, openrice訂枱仲有88折, 仲要係加一後88折。食物方面, 都算唔錯, 個頭盤沙律好清新, 夠哂fresh, 好開胃。刺身都好味, 但份量略為少左啲。燒物最開心, 鮑魚, 龍蝦, 螺, 和牛, 牛舌, 雞翼......, 食材新鮮, 唔使點落調味已經好正, 食到呢度已經好飽。個雞肉鍋飯, 外觀上唔吸引, 但就整得好好食。甜品是雪葩, 味道都非常好。員工服務態度好好, 值得一讚。…查看更多

話說我地book咗星期日9點兩位，8點半嗰時餐廳就打畀我地，問我地可唔可以早啲到，初時我地仲以為好多人等緊枱，所以就拿拿聲趕過去。點知去到嗰時，成間餐廳原來得我地一枱客，好奇怪。我地坐低咗半個鐘左右，佢地就已經開始執枱打掃，準備收檔咁嘅款，但佢地嘅營業時間明明話去到11點架喎，結果搞到我地都食得好趕咁，驚阻住人地收工⋯表示好無奈⋯－－－－－大蔥雞肉串 HKD30牛舌串 HKD42黑豚腩串 HKD36首先講下左手邊嘅豬腩肉，半肥瘦嘅腩肉，一層脂肪一層肉，肉質夠嫩，肥膏入口即溶，唔錯。而中間嘅牛舌，表面燒到焦香脆身，內層就爽口多汁，我最愛！至於雞串，雖然燒到有少少老同乾，不過食落都仲算嫩嘅其實，不過不失啦。－－－－－足量壽司 HKD158叫得足量壽司，名副其實就係講緊佢夠哂份量，由左至右分別係：蔥吞拿魚蓉、青瓜蟹籽沙律、海膽同蟹肉，每款都擺到瀉出嚟咁制，未食就已經覺得好滿足～不過既然落得咁多料，價錢當然都有返咁上下～除返開，平均每件盛惠40蚊，所以唔算抵食架，只係視覺上夠震撼～－－－－－呢個盛合黎講，最好食既係鮑魚～佢基本上係無加特別既調味料，只係嚮燒既時候加左兩滴醬油，所以食既都係鮑魚本來既鮮味，簡單而言就係原汁原味！…查看更多

早前同朋友去尖沙咀行街；行行下朋友推介我去一間日本料理店食日本菜。一聽到日本菜就一口答應左。時令沙律：依間既沙律同出面食既吾同，因為當中既料有蟹肉。蟹肉正正為成碟沙律帶出鮮而甜既味道，加上有蟹籽同沙律菜；夾埋一齊食口感相當豐富，又爽又甜啊！而且份量好大入份的，令食客有一個好開胃既頭盤。刺身四點(2切)：赤蝦十分大隻，食落好爽口又鮮甜。吞拿魚食落有好厚既質感，帶有魚油既味道，甘甘地。三文魚同樣好厚身，池魚也不錯。浜燒盛合：共有四大款新鮮既食材，包括活馬刀貝、日本產蠔、 蟹肉蟹膏甲羅燒、龍蝦。活馬刀貝：size好大隻，食落鮮味之餘又無帶沙石。日本產蠔：十分肥美，用燒既方法吾會乾身；食落好juicy，同時又好香蠔味呢！ 蟹肉蟹膏甲羅燒：店員會將當中既旦攪拌再燒，蟹肉好甜又吾乾身。將蟹肉放在薯片上食又有另一種口感啊！龍蝦：店員為我們燒得剛好，龍蝦肉質十分彈牙又鮮甜，完全不是林身死的。唐揚茄子蝦餅：特別的菜式，因為用茄子包住蝦餅，食落好有口感又不會覺太油；而蝦餅也不錯。鹽麴燒豚肉伴野菜沙律：豚肉香口，旁邊既野菜沙律口感十分fresh。野菜牛肋肉煮：牛肋肉相對較林，但味道比較重咸味。鰻魚卷：鰻魚卷不用點其他醬汁已經好有味道，十分香口既鰻魚味道；而飯十分林。野菜牛肉鍋燒烏冬：飽肚的菜式，烏冬滑滑；而牛肉同樣juicy。和牛刺身：脂肪十分平均，食落牛味不會濃；但入口有溶化的感覺。柚子雪葩：個人中意柚子所以點了。柚子味十分濃郁，仲有點點柚子粒，酸甜又甘，不錯啊！…查看更多

朋友係尖沙咀返工，約咗佢收工之後食飯， 於是近近地嚟咗尖沙咀嘅浜燒兩個選擇困難症嘅人決定唔單點，直接要個浜。崎二人前，$850一位，兩位起。首先會有時令沙律蟹肉， 蟹子，生菜，蕃茄，青瓜，加上芝麻醬簡簡單單但非常好味！作為前菜一流，食完好開胃！之後先會黎刺身，刺身有五款分別係平目魚，吞拿魚腩，加拿大海膽，油甘魚，三文魚我最愛嘅係吞拿魚腩同海膽吞拿魚腩夠晒肥美，食落口有種幸福嘅感覺海膽亦都好鮮甜 分量一啲都唔小㗎！之後到浜燒盛盒活伊勢海老，蟹肉蟹膏甲羅燒，活帆立貝，活鮑魚，蜆二人份量夠晒食甲羅燒一向都係我的浜燒必點！蟹肉蟹膏真係好多，撈埋一齊食真係好邪惡呢度配既唔係多士唔係餅乾，而係薯片將蟹肉蟹膏甲羅燒茶上薯片上面 一齊放入口 又幾夾 幾正咼 新嘗試鮑魚亦非常爽口彈牙之後到備長炭燒物日本佐賀A3和牛加120蚊就可以升級至日本佐賀A5和牛今次我地食A3和牛和牛輕輕燒過，咬落好juicy好香，一流朋友唔食牛，我可以獨享 呵呵呵之後黎左個唐揚蝦餅，好足料好惹味驚你唔飽，重會有黑松露野菌錫紙燒同美人鍋美人鍋入面有大量蔬菜，金菇，冬菇，椰菜等等，重有雞肉食完包你夠飽但甜品照食，會有是日既雪糕/雪葩為呢餐畫上完美句號…查看更多

想吃浜燒，心目中喜愛既餐廳位於港島，身為九龍人既我少左一分動力過海。朋友介紹下知道呢間位於尖沙咀Apple旗艦店附近既浜燒店口碑不錯，所以又約飯腳試下！ 《沙律》蟹肉沙律，單睇餐牌已經要$98，呢份沙律份量唔少，蟹肉絲都幾多，蔬菜爽甜。<刺身5點>油甘魚、三文魚、吞拿魚腩、加拿大海膽、平目魚刺身方面，最搶鏡當然係海膽。加拿大海膽比北海道海膽挺身而大件，口感較扎實，味道未算非常鮮甜。拖羅入口即溶，非常肥美，是難得的驚喜。<浜燒盛合>來到重頭戲，當然抱有相當大期望！款款海鮮睇相都feel到有幾新鮮，尤其是活鮑魚仍活躍地左右移動，賣相非常吸引！所有海鮮都有店員負責燒，自己唔洗動手就可以嘆住食。蟹肉蟹膏甲羅燒-甲羅燒既蟹膏無腥味，混合蟹肉後加添一份口感，味帶咸香真係好想叫番碗白飯。伊勢海老-好彈牙！活鮑魚燒好後好彈牙而帶咸香<海鹽燒喜之次>喜之次算係貴價魚，難得呢個套餐都有。魚既皮燒得好香，魚肉仍保持嫩滑。《佐賀A3和牛》黎到呢個時候其實已經幾飽，估唔到仲有重頭戲登場。和牛外層燒香而中間仍帶嫩紅，食起來口感頗有層次，肉汁豐盈。《唐揚蝦餅》黑松露野菌錫紙燒美人鍋最後既美人鍋好足料，黎到呢一刻真係好飽，好彩鍋中都有唔少菇同菜減少呢餐既罪惡感！我同朋友都覺得唔洗$1000/人食到咁多有質素既食物，性價比係幾高。…查看更多

尖沙咀日本餐廳成行成市，要搵一間性價比高又旺中帶靜確實好難！今次上OpenRice 搵到呢間見食評唔錯，決定同朋友試下！🤔由於今日team lunch,食到太飽。大家夜晚都未算肚餓。所以都係決定散叫，雖然套餐有8折。🤤餐廳好細心咁分開咁上。先黎左個灸燒平目魚邊沙律。第一道菜已有驚喜。醬汁同沙律好夾，仲有少少黑松露醬。平凡中帶點不平凡。之後再上油甘魚刺🐟身同壽司🍣。油甘魚好新鮮亦好肥美！😋壽司飯不會太大件，好傳統！最後果蟹蓋，店員等我地食晒壽司先幫忙燒。好貼心。餐廳內枱與枱有一定距離，不會給人侷促的感覺。另外還有outdoor的位置，好適合情侶談心！😍…查看更多

昨晚點左個‘$988一位’嘅套餐，頭盤沙律食得八八九九，服務員行過嚟話個歺嘅刺身拼盤裡面Toro刺身賣晒😳 成間餐廳得三圍枱，枱枱都得兩至三個人，我哋已經係最後一圍入座嘅客人，為何我哋差不多食完個頭盤，先至發現自己冇Toro賣！仲要Offer左d都唔係相等價錢嘅魚生俾我哋當補數😕有d覺得比人呃的感覺😡很不老實！一坐底就不愉快，所以都無晒心情去品嚐佢地嘅食物😒連相都無乜點拍底😞收客人成千蚊一位，會突然發現無Toro賣，真係太侮辱客人嘅智慧😤…查看更多

二人前每位$850-前菜：睇食評唔係蟹肉沙律就係牛肉沙律，但去到得淨沙律，有少少失望。淨沙律味道正常。-刺身幾新鮮～由於本身唔好海膽，詢問過後員工表示可以換帆立貝，可以因應客人需要呢點幾好。但上枱係一粒好細既帆立貝對半切，而且唔新鮮。-浜燒：龍蝦係拼盤中最出色，上枱仲係咁郁，食落都好鮮甜，調味適中。但其他都好普通，有一隻蜆非常腥，另一隻正常🤔帆立貝都係唔新鮮，食落唔鮮甜同嚡口。蟹蓋唔錯，幾香口，但其實唔係好襯pringles。-蝦餅正常，同個醬幾挾。-黑松露雜菌，係咁多樣入邊最失望既一道。照計好難失手，但食落又苦又澀。落得太多酒？-燒魚同和牛都可一試，魚夠香口鮮甜，和牛幾嫩滑，唔錯。-最後有個鍋物，乜都有啲，有豆腐、雞肉、菇等等。最後黎一碗熱湯類既野幾舒服，但味道好普通。-結論係大部分菜式味道都普通，主打燒海鮮，但食材並唔係好新鮮。服務質素都係中等，食食下頭上既冷氣突然教大左好多，好大風，啲燒物迅間凍哂☹️想請員工幫手調翻高少少，叫左五分鐘都冇人理🤦🏻‍♀️ (人手充足，鋪面唔大但都有七八個員工)。呢個價位值唔值就真係見仁見智，個人認為set既性價比低，散叫可能更好。…查看更多

同友人慶祝生日，午餐時間揀左食日本嘢上到去，得我地同另1臺，可能主要係做晚餐吧午餐set lunch 價錢5太貴，都多選擇既，由於想嘗鮮多點嘢食，所以叫左2個set lunch 叫左個三文魚親子丼，賣相5錯，伴菜，蛋都好滑，不過3文魚又5係太特別新鮮好食不過依個價錢嚟講係5錯既雜錦刺身丼，帶子甜蝦5係太鮮甜新鮮，個人覺得鋒壽司好食d有專人幫我地燒，不過如果688元得依度既份量，性價比5高，蟹膏又5太鮮甜，d鮑魚有小小燒燶左😅好彩5係自己燒，如果5係應該會waste 唒，蝦係新鮮既，不過值5值688.元呢？我自己認為688元可以食到質素更好既嘢火龍卷，128元，好normal ，都係嗰句，我5認同值依個價錢😅因爲依個質素，我相信並5值得不過如果齋食lunch set 就ok既，大家要考慮一下哦…查看更多

近日天氣凍左好多，令人特別想食熱野。所以今晚黎左食浜燒，將熱辣辣、 岩岩燒好既海鮮一啖啖甘送入口。先付 - 蟹肉沙律舖滿左蟹肉既沙律，蟹肉好鮮甜而且帶甘香，食落仲有肉汁，可以唔洗拆殼就食到啖啖甜美蟹肉，好開心。菜十分爽脆，麻醬唔算酸，有香濃芝麻味。刺身五點平目魚：煙煙韌韌，愈咬愈香。油甘魚：相當厚身，有奶油味。三文魚：色澤嫩，魚味及油香都好出色。拖羅：十分有光澤，好肥美，入口會化開，油脂豐盛到會自己跑出黎，加拿大海膽：好滑好rich 好creamy，完全無異味。海鹽燒日本直送喜之次喜之次成日食，但都係食剌身多，原來鹽燒都好好食。燒過既喜之次原來魚肉會變得好滑嫩，而且有肉汁，個人覺得好味過做剌身。浜燒盛盒帆立貝：以清酒同日本醬油一同燒，店員燒得剛好 ,口感軟熟但唔韌。活鮑魚：好新鮮，一路燒一路見佢郁，睇到有啲到唔好意思。非常彈牙、清爽，食到鮑魚鮮味。蜆：超多汁，鮮甜多肉，仲有少少海水味。龍蝦：洗得非常乾淨，食到有炭燒香味，好紮實既龍蝦肉。蟹肉蟹膏甲羅燒口感濕潤，食到淡淡既蟹香味，配淡味薯片有好大反差，一脆一軟，好得意。黑松露雜菌唐揚蝦餅口感好有有顆粒感，含大量洋蔥同甘筍，蝦肉彈牙。配搭既係青瓜蛋黃莎莎醬。備長炭燒日本佐賀A3和牛有海鹽、芥辣籽 及酸豉油佐碟。燒過既A3和牛鬆軟無筋，口感嫩到似刺身魚，食時口腔充滿油香同肉香，令人回味。美人鍋用特濃雞湯浸煮原隻雞腿肉，雞腿去骨後啖啖肉，皮彈肉嫩。豆腐係我最愛，十分滑溜，筷子大力小小都會夾爛。面頭掛滿濃湯，湯既膠質好重，飲完會feel 到咀唇有啲好黏，真材實料。最後有自選雪糕，我揀既係柚子雪芭，好清新。…查看更多

2018年第一個工作天, 拎個好意頭當然要食餐好, 聽同事推介尖沙咀廣東道有間樓上舖食日本菜, 當中仲有磯燒物。上網一查之下, 更有二人套餐, 人頭費不用一千蚊就能吃到刺身+海鮮等高價食物, 於是今晚就同妹妹前去幫襯！餐廳裝修很日式, 檯與檯之間都有一定距離, 不會跟鄰座太貼, 另外更設室外座位跟吧檯選擇。日式餐廳當然有多款清酒選擇, 但唔飲酒既我, 都仲有一D係香港比較少賣既日本特色飲品選擇。 【櫻花可樂】HK$45Order之前都好爭札究竟呢支飲品會唔會中伏, 駁一駁就order左黎試!第一次飲櫻花可樂, 原來可樂都有粉紅色ga!! 甜度比起平時飲既可樂淡一d, 花香味其實唔太重, 汽亦唔會太多, 飲完都唔會頂住食唔到野。先order了最抵食的【二人餐】HK$680/位時令沙律比預期中大份，出面餐廳平時可能一碟已經係二人份量, 入面有沙律菜，洋蔥絲，蟹肉，蟹肉唔會一pat pat 而係一疏疏，而且很鮮甜, 唔會好乾, 還加左蟹籽, 啖啖都有豐富口感。刺身四點 (各2切)刺身均為厚切，吞拿魚魚油很豐富，入口魚油味一直殘留口中。赤蝦很肥美，爽口鮮甜，三文魚跟池魚都沒有根，口感同味道同樣很讚浜燒盛合海鮮上檯時, 龍蝦鬚還是郁郁下, 盡顯新鮮!師傅於旁邊為我地燒, 我地可以撓埋手等食...活馬刀貝 飽滿，大大隻，不會有沙, 唔會燒得乾，入口仲很清甜日本產蠔 廣島蠔 脹卜卜，肥美蟹肉蟹膏甲羅燒蟹膏味很突出，鮮甜多於甘，沒有苦澀味，水份很足，一個蟹蓋二人分，分量都很多，第一次以脆薯片夾住一齊食, 很滿足龍蝦鮮甜爽口彈牙，表面帶些少燒焦香，肉汁還很豐富唐揚茄子蝦餅平時食天婦羅食得多，呢個配搭都係第一次兩件茄子夾住蝦餅一齊炸，不會油膩，口感帶酥脆，茄子還有些少水份，入口還食到鮮甜蝦餅鹽麴燒豚肉伴野菜沙律薄切，表面邊位有點燒焦香，入口嫩滑帶些少口感，配上沙律減少飽滯感野菜牛肋肉煮出奇地林，入味，不過個汁稍為鹹左少少鰻魚卷飯質軟糯，飯卷更加上了少許鰻魚汁，不用點豉油都可以食到原汁原味既鰻魚卷野菜牛肉鍋燒烏冬烏冬很滑，少少煙韌，湯底不會過鹹，牛肉跟菜份量成正比日本雪葩二人餐最後就是甜品, 選擇了柚子雪葩, 雪葩中有一些柚子幼粒, 柚子令整個口腔既味覺稍為平均一下, 清新一點, 味道酸酸甜甜, 幫助消化!吃完整個二人餐其實都有九成飽, 一向大食的妹妹就再多order兩款小食share試試, 好食當然來者不拒啦!【和牛刺身】HK$420色澤雖不算鮮紅, 但脂肪明顯分佈平均, 每件都有點點厚度, 牛味亦唔算太濃, 點上芥末芝麻醬, 味道更昇華。【炭燒喜之次】HK$380係一款日本既貴價魚, 一般高級日本餐廳先有供應。表面燒過還加上了適量海鹽, 撕開魚皮, 魚本身既汁多得慢慢流出, 魚肉嫩滑, 不用點汁還可食到原汁原味。今餐的確很有驚喜, 想不到尖沙咀廣東道這旅遊區, 還有這麼抵食+新鮮+食物質素高既餐廳! 另外, 不得不讚就是這裡的服務超級的好, 不時為我地加茶, 不時又為我地換碟, 侍客很親切, 絕對是全五星間星級餐廳!…查看更多

We went there to celebrate New Year day. The crab salad was yummy. The sashimi was very fresh. The deep fried eggplant with shrimp egg was really bad as the shrimp seems a bit sour, we told the staff and they remade one for us, but still, I think the shrimp they used for the dish was a bit expired. Mince Crab on chips was nice. The seafood barbecue was not bad too. Pork slice was juicy and fatty. Eel roll was not stunning. The beef was okay. The noodle bowl was very ordinary. One more dessert was given on new year day. In general, at the price of 680 per person. We expected a faultless dinner which was destroyed by the expired shrimp. However, the staff were nice and kept observing everyone's dining progress. …查看更多

經由Openrice網上訂座有8折，所以去試一試。一入到去地方唔太，有露台，好有日本嘅感覺都有幾多野選擇，不過唔想諗，所以食Set。沙律，真心覺得好普通，牛係好食，但配上芝麻醬，有點失色。刺身，新鮮一直都係侍應姐姐燒哩個係我最有期待嘅一道，海鮮好新鮮，最欣賞鮑魚黑松露味好夾魚肉好滑，鹽燒令到魚肉更鮮甜見到紅卜卜，有d驚，不過食落口比想象中好食到哩到已經幾飽，個烏冬清清地，都OK柚子雪糕為完美嘅晚餐畫上句號。…查看更多