影片
更多
2022-12-09
143 瀏覽
我好鍾意食魚，但我唔識劏，唔識洗，唔識整。出去食就最，好有人搞掂曬，這家餐廳全日供應魚湯米線，到咗晚市更有烤魚提供口。米線湯底有幾款選擇，包括：招牌鮮魚湯，蕃茄魚湯，芫茜皮蛋湯，麻辣魚湯。 (部分湯底需額外加錢)魚頭湯米線$59 鍾意食魚頭嘅人，一定勁鍾意食嗰嚿魚雲，滑捋捋好似啫喱咁充滿膠原。麻辣湯底同樣可以選擇辣度 我點咗大辣 ，辣度是慢慢滲透出來的，越食越過癮 個頭會開始冒汗。鮮魚片湯米線$42 魚片都幾厚，夾落唔容易散開，每嚿魚肉都有魚皮連住，有雙重口感，最緊要係魚片夠滑，肉質非常細嫩。魚湯好清甜，完全唔腥，飲完唔覺得口渴👍每款麵食可追加一款前菜小食。手拍青瓜+$18 18蚊大大碟好抵食，基本上青瓜同皮蛋嘅涼拌醬底是一樣的，青瓜好爽脆，新鮮而且多汁。涼拌皮蛋$18 皮蛋甘香，蒜味濃郁，齒頰留香。凡惠顧任何魚湯麵或泡飯即可享半價優惠加配汽水或茶 或手調特飲一杯。荔枝紅茶+$14 超好飲，味道唔太甜，最喜歡有粒粒椰果凍，滑捋捋又煙韌。裝修環境唔錯㗎，簡簡單單，地方夠闊落坐得舒服，今次食過米線感覺良好，下次食雞煲烤魚，絕對會有下次
米線湯底有幾款選擇，包括：招牌鮮魚湯，蕃茄魚湯，芫茜皮蛋湯，麻辣魚湯。 (部分湯底需額外加錢)
魚頭湯米線$59 鍾意食魚頭嘅人，一定勁鍾意食嗰嚿魚雲，滑捋捋好似啫喱咁充滿膠原。
麻辣湯底同樣可以選擇辣度 我點咗大辣 ，辣度是慢慢滲透出來的，越食越過癮 個頭會開始冒汗。
鮮魚片湯米線$42 魚片都幾厚，夾落唔容易散開，每嚿魚肉都有魚皮連住，有雙重口感，最緊要係魚片夠滑，肉質非常細嫩。
魚湯好清甜，完全唔腥，飲完唔覺得口渴👍
每款麵食可追加一款前菜小食。
手拍青瓜+$18 18蚊大大碟好抵食，基本上青瓜同皮蛋嘅涼拌醬底是一樣的，青瓜好爽脆，新鮮而且多汁。
涼拌皮蛋$18 皮蛋甘香，蒜味濃郁，齒頰留香。
凡惠顧任何魚湯麵或泡飯即可享半價優惠加配汽水或茶 或手調特飲一杯。
荔枝紅茶+$14 超好飲，味道唔太甜，最喜歡有粒粒椰果凍，滑捋捋又煙韌。
裝修環境唔錯㗎，簡簡單單，地方夠闊落坐得舒服，今次食過米線感覺良好，下次食雞煲烤魚，絕對會有下次
張貼
