漁師兄

去元朗附近買糯米糍。經過見到依間魚湯米線，就入去試吓。試咗個鯇魚腩魚湯米線，仲加咗魚卜。魚肉食落新鮮夠滑，鯇魚腩都大舊。魚卜新鮮，不過魚卜份量俾我想像中少，因為我好鍾意食魚卜。魚湯好鮮甜，我飲咗好多都唔覺口渴，相信冇味精。米線都唔會好腍，適中。 應該過開嚟，會再嚟食。同埋唔算多人，有卡位又坐得舒服。見到對面嬸嬸叫咗個蒸鯇魚配白飯，睇落都幾大條。佢仲忍唔住話好抵食，話自己買都要差唔多錢。好似都係$70左右，價錢聽落OK。…Read More

年初三同屋企人郊遊，無意間發現這間舖頭有魚湯米線，我就二話不說選擇了這兒了。屋企人不喜愛吃魚，但這兒亦有一些沒有魚的餸菜例如水煮牛肉、毛氏東坡肉等招呼他們，而且這些無魚菜式味道也算不俗。話說回頭我叫了麻辣魚湯魚唇米線加魚鰾（多加$10）若果舖頭不是每日處理大量魚類，又怎會可以有魚鰾讓顧客另加？米線中有兩個魚唇四個魚鰾，真是讓我這個魚🐟愛好者食得很happy。特別加$18多叫一個小食花雕牛脷粒，第一次見到這個配搭，口感和味道都不俗。雖然年初三需要+1 ，但這兒性價比也很高，下次再來定會試試不同味道的烤魚！這兒嘅價錢其實和深圳消費相差不遠，大家真的可以舒舒服服在這裏留港消費。…Read More

晚餐自己一個人食，隨意揀咗間叫漁師兄嘅餐廳，點咗四季豆炒鮮魚片飯($58)。講真，呢碟飯真係出乎意料地好味，完全值得打100分！食品部分四季豆炒鮮魚片飯：魚片煎得啱啱好，表面微微焦香，內裏仲保持嫩滑，魚肉鮮味十足，食得出夠新鮮。四季豆炒得爽口，每啖都有啲鹹香惹味，仲帶少少蒜香，成碟飯好夠味又唔過鹹，食到最後都仲想再嚟多碟！飯嘅份量亦啱啱好，吸到啲汁後特別惹味，真係好滿足。⭐食品評分：5/5（即100分！）環境與服務餐廳內部乾淨企理，氣氛簡單親切，晚餐時段人唔多，食得幾舒服。服務員態度幾好，出餐速度快，唔會等得好耐，呢個價位嚟講都算係加分位。⭐服務評分：4.5/5總體感受漁師兄嘅四季豆炒鮮魚片飯真係值回票價，味道鮮美、調味到位，魚同四季豆嘅配搭堅實在。$58可以食到呢碟咁有水準嘅晚餐，真係超值。如果下次再路過，一定會考慮試埋其他菜式！⭐總體評分：5/5…Read More

📍 漁師兄（元朗） 約爸爸食飯 兩父女一意撐枱腳食川菜~初頭以為呢度淨係得魚食 原來仲有好多四川美食除咗酸菜魚之外仲有水煮牛四川小食都好抵食性價比高💯✨ 酸菜魚米線酸菜魚片配米線 份量十足配菜有大豆芽，萵苣，土豆片，蓮藕片全部都索哂湯汁 好入味•魚肉冇骨食落嫩滑辣度叫左小辣岩岩好可以飲埋湯~✨ 水煮牛肉伴飯牛肉質感彈牙、滑，湯底索哂水煮牛肉既味！水煮牛肉味道正宗，肉質易咬，辣得好過癮！✨紅西柚綠茶新鮮粒粒既西柚肉配上綠茶，感覺十分清爽，整杯西柚味搭夠，夏日之選❤️✨白桃味乳酸有白桃既果肉，係我最愛😍仲有豐富既乳酸🥛…Read More

喜愛魚湯米線不能錯過的餐廳。米線滑捋捋，新鮮的魚片無任何細骨，鮮嫩，入口即化，吸收了湯汁的精華，湯頭清淡卻鮮美，每一口都充滿了海鮮的鮮味。特別是加入一些香菜和酸菜，增添了層次感，口感更豐富。而鮮魚片飯則是另一種享受，米飯的香氣與魚片的鮮甜完美結合，簡單的調味讓魚片的鮮味更加突出，魚湯撈飯一流。這兩道菜絕對是健康的選擇。餐廳仲有烤魚套餐同埋雞煲套餐，符合不同人既口味，重有串燒😋，好多人叫黎啤一啤。…Read More

突然間好想食魚湯米線，諗起喺元朗世宙附近既呢間漁師兄好多人推介，就捉埋男朋友去食個快飯先番屋企❤️我地叫咗一個自選魚湯泡飯和一個漁師兄米線，大家都好滿意😀自選魚湯泡飯- 呢度有幾款湯底㨂，我地就加咗$3要芫茜皮蛋湯，- 㨂咗三個餸，分別係竹笙、孜然骨和魚腩，值得一提係孜然骨會另上，唔會浸淋😆😆漁師兄米線🍜 - 我好鐘意！ 最重要係無骨既！👍🏻👍🏻- 入面有魚蛋、魚片頭、魚皮餃、無骨生魚片、魚腐，好多料，好飽肚！😝😝見到隔離枱食烤魚好吸引，下次揾多幾個朋友黎食烤魚四人餐！😀😀漁師兄 (元朗)元朗元朗安寧路25號鴻運樓地下4號舖…Read More

專食魚湯米線嘅鋪頭喺元朗唔多，呢間就係其中一間，見佢開左好一段時間！去開附近就同朋友試下！🔶鮮魚片湯米線 $48★★★★☆魚片好滑溜完全唔腥冇骨，仲要有好多片！奶白色湯底，夠味配米線一流，食完差唔多飲哂成碗都唔見口乾，冇味精！仲可以加埋佢個辣菜甫，辣得好過癮！🔶串燒★★★★☆串燒意外地好好食，有驚喜！個調味完全正中我口味！惹味得黎帶D辣，唔會過咸！牛仔骨燒完都仲係好Juicy軟腍！燒蒜饅頭超特別大推，好好食，香脆有蒜香，加埋煉奶，又咸又甜，竟然好夾，第一次食呢個配搭！牛脷芯、燒雞中翼、燒大蔥雞肉串都唔錯，最緊係唔會燒到啲肉好乾爭爭。肥牛金菇卷有3大舊，好抵食！🔶紅西柚綠茶、士多啤梨乳酸 $32/28 ★★★★☆超級大杯，呢個價錢超抵飲！紅西柚綠茶超正，拍得住出面手搖，飲落好清新有茶香，最緊要係有好多紅柚肉，飲落一D都唔寡，叫左少甜剛剛好！士多啤梨乳酸都唔錯，入面仲有D有咬口JEELY，唔錯！🌟總括：味道好唔錯，魚湯米線真材實料，香港數一數二好食！串燒都出乎意料地好食！佢仲有烤魚、雞煲，下次餓D一定會試埋！…Read More

行開元朗朋友介紹一間好好食的烤魚，就一齊去試下，經過門口已經見到入面都幾多人。馬拉亞參咖喱味-海爐魚$288呢個就係朋友介紹必食的烤魚，果然係全港首創同推介，味道非常獨特，好有南洋風味，有亞參叻沙的酸酸甜甜， 洋蔥、香茅、紅蔥頭、辣椒，味道好豐富，魚有燒過所以香味更濃，加上魚的外皮有孜然粉，一層一層的味道好有層次，又惹味。配料中的豆腐卜吸哂D湯一絕，但更正的係蓮藕，好爽脆，配上湯底更甜。白桃味乳酸$32  士多啤梨味乳酸$32食左濃郁的烤魚所以我地再叫左2杯等飲，我比較鍾意白桃味，甜甜酸酸配上烤魚完美…Read More

同朋友入左元朗行下，本來想去B仔附近食完野之後就朝聖，但發現自己行左另外一邊！經過附近見到有間漁師兄，素來都鍾意魚product嘅我就唔諗直接入去～鋪頭非常大陣四川烤魚味，極度吸引～同場好多人食緊雞煲同埋串燒，價錢都係大眾化嘅，都還好！但可惜胃口欠佳嘅我地只可以eat light～最後選擇都係招牌嘅魚湯！我叫左麻辣魚湯，D紅油稍稍蓋過左魚湯味，但睇個奶白色都呃唔到人，係堅料～特登叫左魚腩做餸，match翻個湯，味道都好鮮！朋友就叫左純魚湯，轉烏冬底；佢表示覺得好濃，但唔夠鹹，不過我覺得咁先正常，起碼唔係死鹹死加味精～我地杯野飲都不過不失，奶茶底夠濃夠香，唔會好澀好老；杯白桃梳打飲落就好清新，好gur！總結個魚湯值得一試！…Read More

琴晚去咗呢間位於元朗嘅魚師兄食魚湯米線🐟餐廳除咗主打鮮魚湯米線 仲有烤魚同串燒食 不過今次我哋食烤魚下次嚟可以試吓😎我哋叫咗一個鮮魚湯魚腩米線，同埋一個滑牛肉魚腐鮮魚湯泡飯🩵 鮮魚湯好重鮮味 而且甜甜地 魚爽口☺️小食我哋叫咗椒鹽雞軟骨 辣辣地好惹味 而且上到枱熱辣辣 好味好味😍飲品方面，我哋叫咗一杯芒果紅茶同埋白桃味乳酸💕兩杯飲品都好清爽 而且唔會過甜😘漁師兄 (元朗)📍元朗元朗安寧路25號鴻運樓地下4號舖…Read More

星期日下午，上網見到呢間漁師兄都多人讚見餐牌有魚湯米線，望落好似幾吸引決定試下，下午1：00，唔駛等位就入得坐位寬敞，環境都舒服今次點左魚頭米粉，價值$59一嚟到見到乳白色湯底，即刻試下個湯，估唔到已經失望，入口甜甜地，但唔係魚嘅鮮味，係味精嘅甜之後試埋魚頭，好足料！但有麻油味！唔知大家有冇留意，新鮮嘅海鮮係唔會食到麻油味，麻油係蓋過唔新鮮海鮮嘅好幫手！所以當我一食到麻油味就知啲魚唔新鮮！雖然呢間主打食魚嘅鋪，但可能會都係出品番水煮魚，酸菜魚呢啲重口味，相對對魚新鮮嘅要求無咁高嘅菜式比較合適總結：唔會再食…Read More

首創馬拉亞參咖哩烤鱸魚條魚真係好大條，成個盤咁長，而且啲魚肉好鮮甜好嫩，成條魚唔多骨，肉質紮實。配埋佢個特製咖哩汁，唔會好辣，惹味得嚟又夠香。另外佢仲有唔少配料，金針菇、豆卜、蓮藕、寬粉，啲配料都好新鮮。豆卜吸曬啲湯汁，一食入口有滿滿咖哩嘅香味同埋魚湯嘅鮮味。串燒叫咗好多款唔同嘅串串，有燒羊肉、燒雞肉、燒牛仔骨、燒雞翼、燒牛舌心同燒牛肉。每樣都燒得唔錯，唔會太重火候令到外面好乾，反而食落好juicy添~ 每款串燒都有落孜然粉，可以選擇辣度，我唔太食得辣嘅就叫咗唔辣，但係味道啲嘢好夠。另外一提，羊肉一啲都唔覺得騷，想食羊又怕騷嘅可以試下！飲品 佢有好多款唔同嘅特飲，叫咗荔枝紅茶、白桃乳酸同紅柚子綠茶。如果套餐加特飲會半價tim～ 每款都好大杯。荔枝紅茶幾香茶味，而且下面有好多椰果。白桃乳酸酸酸甜甜咁，加上係有氣飲品，夏天熱辣辣再食住烤魚咁飲真係絕配。而紅柚子綠茶比較驚喜，我以為係類似柚子蜜嗰種，原來真係比柚子肉，仲要好多🤣 每啖都會飲到好多柚子肉，真係好正～ 佢啲飲品全部都唔會太甜，味道恰到好處，大讚！…Read More

烤魚來啦！！！好耐無食烤魚，今日黎到就要點一份，跟住見到又有串燒，所以另外再點左一D，非常豐盛的晚餐😍【馬拉亞參咖喱味江團烤魚】江團魚平常比較少見，質地好嫩滑，再配上豆卜、金菇、薯粉和蓮藕等等的配菜，可謂是色香味俱全，稍微有點微辣☺【燒牛仔骨】牛仔骨脂肪分布均勻，燒烤後的肉香以及入味的調味的配搭，確實不錯，肉食愛好者的最愛之一😍【燒牛脷芯、燒羊肉串、燒牛肉串、燒雞肉串】串燒選擇多樣，燒牛脷芯、燒羊肉串、燒牛肉串、燒雞肉串等等，各有各的特色😁【蒜蓉燒茄子、燒雞中翼】蒜蓉燒茄子以蒜香配上茄子，估唔到成為左餐桌上的亮點。燒雞中翼則是我最喜愛的小食之一，啖啖肉🍖🍴🍹【白桃味乳酸、紅西柚綠茶、荔枝紅茶、芒果紅茶】夏日的好選擇，白桃味乳酸酸甜可口，紅西柚綠茶的清新怡人，荔枝紅茶和芒果紅茶果味比較重好味指數：9/10 性價比指數：8/10…Read More

漁師兄❣️漁師兄主打魚湯米線🍜而呢個湯底都有幾隻味道可以選擇，唔係單一魚湯，真係幾特別。大家可以根據個人喜好自選湯底、麵底、配料。如果有選擇困難症都可以直接叫一碗。餐牌選擇都好多㗎。🌟招牌鮮魚湯米線（三餸）奶白色的鮮魚湯底好鮮甜，魚味出眾，不含味精，一啲都唔腥。🐷孜然骨肥瘦均勻，肉質脆嫩爽口。充滿孜然味，香而不膩。🐔雞中翼煎到外層脆脆，裏面咬開好juicy。沈上辣粉，增加惹味度。🐟魚肉春卷魚香味重，質感彈牙，有厚實的口感。🌟酸菜魚米線🍜好大碗！一上菜酸菜已經香味四溢。金湯好養眼，湯底味道超級鮮味濃郁。酸度適中，不會過酸或過淡，可以揀辣或者不辣。配菜都唔少，有芽菜、蓮藕、薯仔、萵筍。無骨魚片好厚好新鮮，口感滑嫩，食極都仲有😂🌟士多啤梨味乳酸開胃特飲！酸酸甜甜非常開胃🤤有好濃厚嘅士多啤梨果香味，又唔會太甜，清新怡人，好refreshing。…Read More

原來元朗都有間高質素既米線，估唔到有一人份量既酸菜魚! 仲可以簡配飯 或米線，今次叫左少辣，試下水溫。辣度可以接受，食唔到太辣既人都接受到，入面既配料都有好多，蒿荀，蓮藕等等。魚片爽口彈牙，而且無骨架! 個湯汁酸味突出，辣味有後勁，配埋米線食好滿足。另外自選湯都係魚湯底為主，叫左招牌鮮魚湯，平時好怕腥既我，呢個湯底都完成接受到，冇平時魚湯的腥，反而有種鮮甜味，見到湯底係偏奶白色就知! 配料叫左豆卜 ，麻吉燒同埋豬扒，配料份量好多，連豆卜都有8粒，好足料。呢到既豬扒係煎香過，好香口。消暑解渴我推介紅西柚綠茶，大大杯，飲落好清新，仲有粒粒西柚肉！…Read More