影片
更多
2021-06-21
938 瀏覽
我同朋友都好鍾意打邊爐，雖然天氣咁熱，但只要餐廳冷氣充足，就無阻雅興。朋友帶咗我嚟北角嘅「金樂軒雞煲魚鍋」，佢話之前幫襯過覺得幾好，而家喺網上訂枱可享85折優惠啊🌟。小店門面並唔起眼，喺舖外係睇唔到入面嘅環境。呢度格局比較隨性，有卡位亦有圓枱，最矚目嘅係佢橙紅色嘅櫈，哈哈。整體環境都OK，最緊要係夠冷氣👍。餐廳主打火鍋🍲，但亦有賣特式小菜。火鍋湯底以雞煲魚鍋為主，價錢唔平，但我可以講係真材實料。至於一般火鍋配料方面，選擇都多，定價亦都合理。酸菜龍躉魚鍋($288/小)，呢個酸菜魚用料上乘，因為係採用龍躉🐟，而唔係龍脷魚柳。龍躉鮮味十足，魚肉嫩滑，連埋魚皮食好有彈性。雖然有骨，但並唔係細骨，所以都唔會食得唔方便。小鍋應該係二人份，不過其實都好足料，齋食魚鍋都飽咗三分一。酸菜湯底呈淺黃色，有得揀辣度，我哋要咗小辣🌶，配合埋酸菜食，辣得嚟幾醒神，又無川辣嗰種咁刺激。再者，佢亦好難得無某啲米線舖嘅酸菜臭味。鍋底裡頭有唔少椰菜花🥦，炆到淋哂，索味一流。特級安格斯肥牛($198)，裝住肥牛片個碟雖然唔大，但其實佢疊埋疊埋有好多片，接近卅塊。🥩牛肉大小厚薄適中，油脂紋理幾靚，食落亦好重牛味，高質！唯
我同朋友都好鍾意打邊爐，雖然天氣咁熱，但只要餐廳冷氣充足，就無阻雅興。朋友帶咗我嚟北角嘅「金樂軒雞煲魚鍋」，佢話之前幫襯過覺得幾好，而家喺網上訂枱可享85折優惠啊🌟。
小店門面並唔起眼，喺舖外係睇唔到入面嘅環境。呢度格局比較隨性，有卡位亦有圓枱，最矚目嘅係佢橙紅色嘅櫈，哈哈。整體環境都OK，最緊要係夠冷氣👍。
餐廳主打火鍋🍲，但亦有賣特式小菜。火鍋湯底以雞煲魚鍋為主，價錢唔平，但我可以講係真材實料。至於一般火鍋配料方面，選擇都多，定價亦都合理。
酸菜龍躉魚鍋
$288
33 瀏覽
0 讚好
0 留言
酸菜龍躉魚鍋($288/小)，呢個酸菜魚用料上乘，因為係採用龍躉🐟，而唔係龍脷魚柳。龍躉鮮味十足，魚肉嫩滑，連埋魚皮食好有彈性。雖然有骨，但並唔係細骨，所以都唔會食得唔方便。小鍋應該係二人份，不過其實都好足料，齋食魚鍋都飽咗三分一。酸菜湯底呈淺黃色，有得揀辣度，我哋要咗小辣🌶，配合埋酸菜食，辣得嚟幾醒神，又無川辣嗰種咁刺激。再者，佢亦好難得無某啲米線舖嘅酸菜臭味。鍋底裡頭有唔少椰菜花🥦，炆到淋哂，索味一流。
特級安格斯肥牛
$198
29 瀏覽
0 讚好
0 留言
特級安格斯肥牛($198)，裝住肥牛片個碟雖然唔大，但其實佢疊埋疊埋有好多片，接近卅塊。🥩牛肉大小厚薄適中，油脂紋理幾靚，食落亦好重牛味，高質！唯獨係感覺佢唔太似安格斯，似本地牛多啲🐮。
手打鮮魚旦
8 瀏覽
0 讚好
0 留言
牛柏葉($48)，🐂牛柏葉並無碎濕濕，所以淥完都無縮到好細，口感彈牙。
豬腰($48)，🐷腰花係朋友嗌的，我第一次食，餐廳應該處理得幾好，因為完全無腥味。
鮮冬菇($38)，🍄冬菇有六件，大大嚿，不過早知嗌什菌拼盤，款式會更多。
讚岐烏冬
$18
6 瀏覽
0 讚好
0 留言
凍檸茶($18)，我哋一人叫咗一杯檸茶，大大杯，茶底唔澀，係一般茶記水平之上🍋。
總括嚟講，我對呢餐好滿意，朋友果然無介紹錯😋，湯底以至每樣配料都好有水準呢！佢個酸菜魚係我食過以來最出色(計埋以前喺大陸食嗰啲)。另一邊廂，可能因為餐廳唔係連鎖店嘅關係，店員富有人情味，非常友善，服務好好。有機會我想再嚟食下佢個雞煲或者叫餸食飯🍚。
張貼
