魂 (已搬遷) 新店位置

近排從朋友們Facebook度看到個個都勁讚這間'魂'的拉麵店, 於是昨日決心去試吓! 看到OPENRICE度話十二點開門, 到達銅鑼灣時才十一點,於是到時代廣場逛逛, 十一點半才去該店描一描。去到見到真係'嘩'咗一聲! 條人龍長到見首不見尾, 見到這情況拿拿淋加快步速搵龍尾排隊啦! 排隊時唔覺意聽到排我前面的一對情侶的對話, 大概說來過3次都食唔到, 今次終於排到隊很開心! 咁我第一次就排到隊味好好彩!入到店內坐到吧枱前,店內氣紛真的跟我上次係上野食過果間一樣充滿日本懹舊風情。我看到MENU十五十六不知要魂好還是太極好 ，結果都係點了魂即原味 ($69 最平果款), 5分鐘後拉麵送到,果股麻油香已芳香無比，先喝一啖湯，便知道原來FACEBOOK 內的朋友真的很識食, 湯頭很鮮甜和夠熱真的做到濃而不膩的感覺,再咬一口像啫喱般晶瑩的糖心蛋,便立即決定再加一客蛋，可惜店員說追加的蛋已賣哂!: 食完全碗麵,知道師傅的功力後,決定過幾日放假真的要再來試'太極'!整體說，味道很好可以話係超班馬，食得出是一間事事很用心的店子，難怪每日長現誇張的人龍! 請繼續努力吧!