潮龍園

營業中

休息中

每次喺藍田都營業到十二點幾左右，所以我有時收工或者打完波返嚟都一定會去食呢間，最好食嘅一定係佢嘅崩沙腩河，其他都有好多潮式粉麵例如扎肉河炸醬麵等等。佢個崩沙腩河就係48蚊一碗，份量一般，但勝在好食，真材實料絕不馬虎。配埋佢嘅特製辣椒油同炸蒜食，口感一流。佢個湯唔係清湯而係加咗腩汁嘅湯，而崩沙腩本身就有少少半肥瘦食落非常之煙韌，好重牛味，而且食唔到冰鮮味。不過佢嘅河粉就係偏淋，對於鍾意食煙韌嘢嘅我嚟講，河粉係唯一失色嘅。