金金日式燒肉店

營業中

休息中

首先其實一路都唔知道呢一度有間韓燒，純粹有個朋友喺樓下間銀行做，佢話lunch成日都會上嚟食，同埋夜晚佢有啲特別嘅set，今日又喺銅鑼灣落大雨唔想再行嚟行去，所以就揀咗呢一間。叫咗佢一個VIP2人餐，好似喺A餐，有齊晒沙律豆腐前菜，跟住又有海鮮又有肉，驚你唔夠飽，仲有個炒飯再送埋甜品，銅鑼灣呢一個價位都真係幾OK。我想講突然最出色嘅竟然係個櫻花龍蝦豆腐，原本比較期待個金目雕刺身沙律嘅，但係個櫻花龍蝦豆腐真係搶咗鏡，食完一啖又一啖，果然係燒烤之前都真係食啲清啲嘅嘢flash下。然後其實佢啲無論係海鮮，定還是啲牛肉雞肉都好新鮮，都幾有質素，最重要係唔使揀乜都有，同埋佢嗰個蔬菜拼盤呢都真係幾出色，俾埋個錫紙兜你，所以呢間嘢其實真係幾高質。最後佢個炒飯其實都好好食，但係俾佢最後最後嘅甜品牛乳凍搶哂風頭，呢個甜品真係超好食，勁好食，奶味勁濃，果然係自家制，食完而家真係對個甜品念念不忘。