影片
更多
2022-05-05
154 瀏覽
真實推介！本土小店！其實真係好耐無係旺角食飯！俾的喼佔領左咁耐就無嚟咁耐！老公兄弟食過話值得食，坐得耐，啤酒凍！佢話：夠啦！唔洗諗咁多！（我都無咩期望）去到環境就一般般但都乾淨光猛。星期五8點到，爆曬，好彩老公兄弟早到有位！成晚叫左好多嘢，但影左幾樣同講翻我記得嘅！醉雞煲有酒味，但不會大“啃”，女仔都接受到，樓面個女仔好緊張教我地：水滾落雞，再滾起即刻熄火，焗兩三分鐘，好食啦！飲埋的湯！咁認真係滑嘅，味道不會太濃，嗒湯都甜！肥牛我覺得唔算平嘅，呢碟大好似都三百幾，但佢俾翻靚嘢你（有小小和牛feel，入口溶溶地），老公佢地就好buy，話好正。酸菜魚都抵讚，好食過個的話十幾又阿媽個的祖國牌子啦，不過想要食好辣就自己叫大辣，我食正常啫。黃金鮮魷做到好脆，而且中間的肉係滑嘅，甜嘅，食得出新鮮，同炸得剛剛好！但真係好肥小炒皇我覺得可以啦！老公就講到的蝦乾又靚，又好惹味咁話喎。。。其他餸都好味道，同埋成晚食飯個感覺好好，可以講親切，又可以講地道，點都好啦，係值得登入推介嘅！埋單老公話都係差唔多啦。我估都唔會太貴嘅。。。抱歉，女人係咁。。。
其實真係好耐無係旺角食飯！俾的喼佔領左咁耐就無嚟咁耐！
老公兄弟食過話值得食，坐得耐，啤酒凍！佢話：夠啦！唔洗諗咁多！（我都無咩期望）
去到環境就一般般但都乾淨光猛。
星期五8點到，爆曬，好彩老公兄弟早到有位！
成晚叫左好多嘢，但影左幾樣同講翻我記得嘅！
醉雞煲有酒味，但不會大“啃”，女仔都接受到，樓面個女仔好緊張教我地：水滾落雞，再滾起即刻熄火，焗兩三分鐘，好食啦！飲埋的湯！咁認真係滑嘅，味道不會太濃，嗒湯都甜！
肥牛我覺得唔算平嘅，呢碟大好似都三百幾，但佢俾翻靚嘢你（有小小和牛feel，入口溶溶地），老公佢地就好buy，話好正。
酸菜魚都抵讚，好食過個的話十幾又阿媽個的祖國牌子啦，不過想要食好辣就自己叫大辣，我食正常啫。
黃金鮮魷做到好脆，而且中間的肉係滑嘅，甜嘅，食得出新鮮，同炸得剛剛好！但真係好肥
小炒皇我覺得可以啦！老公就講到的蝦乾又靚，又好惹味咁話喎。。。
其他餸都好味道，同埋成晚食飯個感覺好好，可以講親切，又可以講地道，點都好啦，係值得登入推介嘅！
埋單老公話都係差唔多啦。我估都唔會太貴嘅。。。抱歉，女人係咁。。。
張貼
