嚐仙

營業中

休息中

尖沙咀新開嘅台灣甜品店，一到已經見門口好多人，主打芋圓同仙草類甜品，夠哂「專門」。必食之選：五式牛奶冰牛奶味好濃嘅冰底配上唔同質感嘅食材，真係好滿足好豐富，我哋揀咗布甸，仙草凍，黑糖凍仲有薏仁同芋圓，有健康亦都有邪惡哈哈。芋圓口感好好夠曬煙韌，咬落去亦都唔會覺得係好厚實嘅粉，黑糖凍好香，只係少少甜，夠曬嫩滑，正。去到底，啲材料食曬之後，我哋仲好唔捨得個冰底係噉飲埋佢添，店員會附送埋煉奶畀你，其實我覺得唔落都已經夠曬香喇。招牌之選：雙芋仙草奶凍即係芋圓加上芋頭泥為主角，後者無得輸，好滑完全無一粒一粒嘅感覺，亦都食得出裏面係完全冇添加其他嘅糖，嗰種嘅小小甜係好天然好香嘅味道，配上香糯嘅紅豆，又有纖維，感覺好健康，重點：可以叫半糖架！！真係好少有。下次會再試！不過店內有d窄，人多時可能要等耐d,但值得等。