好掂

營業中

休息中

朋友响Facebook見到呢間餐廳嘅廣告想試試，幾個朋友一於相約週末輕鬆下。餐廳的確好近地鐵站，行一小段斜路就到。餐廳面積很小，大概只有五張枱，所以有心嚟試就要提早預訂，亦要準時抵達以便還枱。老闆娘態度友善，細心講解不同牛扒部位嘅分別。仲指左一指牆上呢幅圖，等我哋易明d。佢仲特地攞咗啲牛扒嘅真身俾我地揀，我以為我食緊海鮮！幾個人叫乜都有嘅小食拼盤最啱，炸蠔--朋友話夠juicy炸洋蔥圈--正常水準炸魷魚圈--魷魚好新鮮，唔會韌炸雞塊--脆皮帶點辣，夠熱夠脆，雞肉夠嫩。推介！！紅菜頭沙律--紅菜頭鮮甜，配上新鮮蔬菜，感覺清新T骨牛扒，我哋叫左medium rare , 近邊嘅位置煮得比較熟，冇咗粉嫩顏色，但係完全唔韌Rib eye with the bone 油脂非常香，肉質鮮嫩，算是上乘牛扒，要二揀一都係會食rib eye 醬汁係黑椒燒汁，不過黑椒味真係太淡。Brownie 有啲失望，朱古力味好淡，亦冇味道層次，外面有啲餐廳做到外脆內軟熱辣辣呢間家庭式經營嘅小店未必樣樣做得非常出色，但係食物水準已經响好多酒店餐廳之上，又平過酒店一大截，值得一試。