牛の鍋日本料理

營業中

休息中

有人嚟呢度係食火鍋放題、有人係食刺身放題、亦有人好似我咁係嚟食甜品的，荃灣又一驚喜任食選擇👉🏻牛之鍋日本料理。晚市任食B餐 $268/位選擇困難症嘅我一打開餐牌就發作，事關佢湯底有壽喜燒、椰香沙爹、花膠荳香魚等10種選擇🫠，仲可以揀2人一鍋或者1人一鍋，揀咗好耐最後選擇1鍋冬陰公湯+1鍋蟲草花菘茸湯。之後就自助QR code落單，B餐除咗火鍋配料以外，仲有各式炸物、燒物同刺身壽司選擇，而火鍋肉類主打就係美國極上牛肉。咁我當然就係咩都點嚟試吓😝，由於種類太多，如果各種類都推介一款的話：炸物會推介榴連炸彈，一咬就滿口甘香。燒物會推介一口台灣香腸，燒得好甜好好味。芒果吉列蝦卷係壽司入面我最滿意。火鍋配料首推台灣鴨血，難得滑嫩又無腥味👍🏻。抵讚係佢哋點餐後上菜速度係非常之咁快絕對無拖時間，收碟亦都係好快手，唔怕你叫多啲繼續食咁😂。講完今餐嘅配菜，之後就當然係講主菜。甜品控嘅你嚟呢度食嘢，絕對可以將火鍋任食放題食成甜品任食放題🧁🍰🎂🍨🍧🍮。總共16款甜品即點即整，要軟要硬要生果要泡芙要窩夫，乜鬼都有齊晒！我就全部都食勻晒，必點宇治抹茶芭菲，我一個人都食咗5杯😝。