好正

營業中

休息中

灣仔區內小店，設有幾個堂食位置，飯麵、港式小食、湯品、糖水、新鮮飲料都有供應。豉油王煎蝦米腸粉份量頗多，煎至脆身，唔油膩，搭配經典醬汁，正。碗仔翅，同出面唔同，潮州老家味道，有蟲草花、乾瑤柱同金華火腿，第一次食，配料豐富，調味適中，值得一試。魚蛋燒賣可以雙拼，旁邊有辣醬汁，味道正常發揮。其一招牌菜為楊枝甘露，芒果好鮮甜而且夠大粒。甜度啱啱好，熱辣辣食返碗真係好解暑。芒果椰奶仙草同樣出色，雖然都係嗰幾款配料，味道係想像得到嘅，但係唔知點解覺得零舍好味，賣相精緻得嚟份量又夠多。養生之選有桃膠六寶露，包含雪蓮子、圓肉、杞子、雪耳、桃膠等，女士們就啱曬。