影片
更多
2009-12-30
9 瀏覽
為食同事大力推介呢間嘢既蛋牛治佢講到真係好鬼好食咁今晚終於搵到機會嚟試一下先講一下呢度既伙記服務態度認真麻麻我地同枱有位女士首先佢呼喚咗好耐先有人理佢 (全體伙記仝人企哂喺門口外面傾計)繼而女士投訴碗唔知咩咩粥無味....佢話應該係廚房唔記得落鹽要求加鹽再滾一下伙記 A 答: 我地全部粥都唔落鹽 ga wor!!! 係啲客自己落 ga ja.....(繼而拿來一樽鹽給女士)女士覺得無道理另外向伙記 B 再投訴伙記 B 答: ha? 無理由 wor....會唔會係妳自己無味覺呀? 呢度全部客人都係咁食....無一個話唔夠鹹喎~~~我覺得......個女士應該被激死咗 跟住講番食物:我地基本上就係叫哂佢 “馳名推介” 既幾樣食物蛋牛治烘底well.....真係好失望 lor 因為好普通絕對無 "嘩" 一聲既感覺蛋熟到乾哂牛肉...係夠腍既, 不過無乜牛肉味麵包又唔係烘得脆口er....我會唔會都係鍾意加工鹹牛肉多啲呢? 西多士感覺上無平時食嗰啲咁油膩所以都 ok不過必須配以大量蜜糖~南乳豬手麵反而呢個豬手唔錯2 大件......夠腍, 夠入味個麵就一般後來同為食同事講番....我話個蛋牛治
佢講到真係好鬼好食咁
今晚終於搵到機會嚟試一下
先講一下呢度既伙記服務態度認真麻麻
我地同枱有位女士
首先佢呼喚咗好耐先有人理佢 (全體伙記仝人企哂喺門口外面傾計)
繼而女士投訴碗唔知咩咩粥無味....佢話應該係廚房唔記得落鹽
要求加鹽再滾一下
伙記 A 答: 我地全部粥都唔落鹽 ga wor!!! 係啲客自己落 ga ja.....(繼而拿來一樽鹽給女士)
女士覺得無道理
另外向伙記 B 再投訴
伙記 B 答: ha? 無理由 wor....會唔會係妳自己無味覺呀? 呢度全部客人都係咁食....無一個話唔夠鹹喎~~~
我覺得......個女士應該被激死咗
跟住講番食物:
我地基本上就係叫哂佢 “馳名推介” 既幾樣食物
蛋牛治烘底
well.....真係好失望 lor
因為好普通
絕對無 "嘩" 一聲既感覺
蛋熟到乾哂
牛肉...係夠腍既, 不過無乜牛肉味
麵包又唔係烘得脆口
er....我會唔會都係鍾意加工鹹牛肉多啲呢?
西多士
感覺上無平時食嗰啲咁油膩
所以都 ok
不過必須配以大量蜜糖~
南乳豬手麵
反而呢個豬手唔錯
2 大件......夠腍, 夠入味
個麵就一般
後來同為食同事講番....我話個蛋牛治好失望
佢問我有無講明要 "滑蛋"
乜....真係差兩隻字就差咁遠?
俾唔俾多次機會佢好呢?
張貼
