食飯

營業中

休息中

我第二次去Kin Kao, 因為好鐘意食泰北菜，貪佢餐廳乾淨企理，所有員工都係非常友善嘅泰國人，餸菜一啲都唔馬虎仲要好地道添，價錢又合理。除咗佢嘅炆豬手我覺得比較過淋（個人口味）之外，其他嘅完全無辦法挑剔！我叫咗8樣嘢（打埋包番屋企同家人一齊嘆）&兩杯飲品1. 碎豬肉生菜包沙律，正！因為現時唔係間間餐廳都會落烤碎米2. 炸泰北香腸（如果佢哋用埋南薑，就無懈可擊）3.泰北咖喱湯麵，大大隻咖喱慢煮雞髀在入面，啲麵非常之彈牙，有蛋香和非常之掛湯，我重叫多個小食4.炸豬皮點埋佢啲咖喱汁食正呀！5.炸豬肉，絕對唔係炸到乾晒，有肉汁又香口，送啤酒一流。6.泰式炆豬手，（呢個只係我個人意見）我覺得佢過淋，如果可以有小小趙口，就好啦。7.雞肉炒河，加埋辣椒粉食冇得頂8.炒通菜 買單一共$678，好抵！。我一定會帶多啲朋友去試吓！