The Grove (已結業)

隨着疫情緩和 ，下班回家試下呢間台灣野今次係透過網上熊貓平台外賣自取第一個失望，已經到達取餐時間，去到竟然係未開始整我點嘅餐。 不過店員態度良好，最後多等10分鐘就取餐。3分鐘路程到家， 隨即開餐。第二個失望，我叫的是台式滷肉飯，開盒飯只是微温 ， 飯是硬的😭， 用的是珍珠米， 飯粒分明但粒粒僵硬， 最可怕是沒有醬汁覆蓋的飯更是硬成一團， 筷子🥢插不開破不開， 不能想像食進胃部如何消化， 直接放棄。第三個失望， 滷肉味道可以，有肥有瘦，但並不甘香。 對於愛吃帶肥的朋友，應該懂我的意思。 對於整個飯只有幾件老玉+半隻台式蛋+ 3 片生菜 + 直接放棄的硬飯， 如果重頭主角的滷肉唔係出色， 只可以講整體係難食。 另外， 老公食阿Roy牛肉麵， 他說難吃，原因是和正宗台式風味跟本扯不上關係 。我不是第一身，不亂作評，大家自己試。不會作番頭客。