影片
更多
2020-01-30
630 瀏覽
今日下午試完呢間野之後，晚上心思思上黎睇食評，有一種恍然大誤既感覺，食個陣硬係覺得好多問題，但以為係自己問題，而家先知咁多人都有同樣問題我地係今日下午大概3點幾酒店check out後係付近搵食，而前一晚見到好多人食呢間所以最後就冇食另一間日式餐廳而行左黎呢間睇下，當時入面係冇客既，而老闆娘見我地望望下都即刻出黎招呼，所以就入左去啦1.Menu餐牌複雜，我同男友一心想食串燒，但點菜紙上係冇價錢的，而我個人比較懶而男朋友唔識中文，所以我望住本厚厚的餐牌全部都係字冇乜心機睇所以就直接點啦，而關於寫1其實係2串既問題老闆娘都有講既，不過我點既都係鐘意食所以照每樣2串2.食物「差燒豬骨拉面」，個湯係比較濃（重口味？），可能其他人會覺得味精重，但我同男朋友都鐘意食，佢就連湯都飲埋。「三文魚刺身」，老闆娘推薦話係一級刺身而點的，但同出面日式放題差唔多。「燒鯖魚」好食，大大條而串燒方面，上多左二串金菇肥牛卷，當時我心諗，得我地一枱客都可以落錯單？咁老闆娘就有游說我地要埋，但我麻麻地所以都冇要到。本來同男朋友係為左串燒先食，老實講，完全唔值呢個價錢我地叫左豬頸肉，羊肉，雞軟骨，安格斯牛肉，虎蝦（好似係
我地係今日下午大概3點幾酒店check out後係付近搵食，而前一晚見到好多人食呢間所以最後就冇食另一間日式餐廳而行左黎呢間睇下，當時入面係冇客既，而老闆娘見我地望望下都即刻出黎招呼，所以就入左去啦
1.Menu
餐牌複雜，我同男友一心想食串燒，但點菜紙上係冇價錢的，而我個人比較懶而男朋友唔識中文，所以我望住本厚厚的餐牌全部都係字冇乜心機睇所以就直接點啦，而關於寫1其實係2串既問題老闆娘都有講既，不過我點既都係鐘意食所以照每樣2串
2.食物
「差燒豬骨拉面」，個湯係比較濃（重口味？），可能其他人會覺得味精重，但我同男朋友都鐘意食，佢就連湯都飲埋。
「三文魚刺身」，老闆娘推薦話係一級刺身而點的，但同出面日式放題差唔多。
「燒鯖魚」好食，大大條
而串燒方面，上多左二串金菇肥牛卷，當時我心諗，得我地一枱客都可以落錯單？咁老闆娘就有游說我地要埋，但我麻麻地所以都冇要到。
本來同男朋友係為左串燒先食，老實講，完全唔值呢個價錢
我地叫左豬頸肉，羊肉，雞軟骨，安格斯牛肉，虎蝦（好似係？），每樣二串
我以為係我地琴晚飲完酒既問題啦，佢地肉類既串燒誇張d講係一模一樣既味道，仲要好乾又硬，男朋友係羊肉控，而我係好怕羊肉既蘇味，而好好笑地我食左串羊肉都唔知係羊肉黎，而男朋友就以為安格斯牛肉係羊肉佢仲話：i dont know whats the different between these sticks
咁最後老闆娘問我地好唔好食啦，咁其實佢地既肉類味道係一樣，但我冇甘直接啦
我：「ok啦，係分唔到牛同羊」
老闆娘：「羊係蘇d個串囉！」
我：「我知呀，男朋友好鐘意食肉，特別係羊都分唔到，可能佢鐘意好蘇個種羊肉啦！」
老闆娘：「你應該問我地邊串打邊串丫嘛！如果鐘意蘇味重應該簡「羊架」！」
隨即攞左張圖比我地睇，咁我就話下次啦其實都唔會有下次
最後埋單$598，我o左咀，不過只怪自己冇睇清楚價錢，但呢間cp值真係比較奇低，作為一個吃貨都好耐冇試過比錢比得咁心痛，呢個價錢已經夠二個人食到平平地既日式放題
張貼