影片
更多
2021-04-19
118 瀏覽
想食韓國嘢自不然就會諗起尖沙咀，皆因嗰度有條韓國街嘛。星期日下午嚟到「OPPA Coffee Bar Restaurant」食晏，佢係人氣最高嘅一間，因為要等位😳。餐廳環境裝修簡約，除咗唔係坐地下之外，配合埋舖內播放住嘅K-Pop，真係好有韓式小餐館嘅感覺🇰🇷。餐牌好大本，設計精美，但文字較細，有啲難睇🙈。呢度提供各式各類嘅韓國料理，炸雞啤酒、炒飯、飯卷、湯品以至年糕等一應俱全。秘製章魚蛋漿熔岩炒飯($168)，熔岩炒飯係招牌菜，基本上枱枱都嗌。餐廳大約每隔十分鐘就會上演一場火山蛋漿熔岩炒飯Show🔥，Oppa會喺客人面前表演功架，拎住支Gas燒呀燒，幾分鐘後就完成。一上枱嘅時候，🍚炒飯好整齊置中咁放喺鐵板上面，隨後店員就會喺外圍倒入蛋漿，再放芝士喺飯面。店員均勻燒完後，芝士完全溶化🧀，拉絲效果如瀑布一樣，亦同日本納豆無乜分別。即使咁多芝士，但炒飯難得地唔油膩，味道亦偏清淡。炒飯嘅顏色橙橙哋色🧡，不過無咩泡菜味，可能要叫泡菜嗰款先有，我亦相信會係一個唔錯嘅組合，而我嗌嘅章魚亦幾好，份量唔多，但幾好咬口🐙。卡邦尼炒粉絲($128)，卡邦尼醬幾杰身，但唔會太鹹😬。粉絲口感彈牙，比起一般嘅粗
想食韓國嘢自不然就會諗起尖沙咀，皆因嗰度有條韓國街嘛。星期日下午嚟到「OPPA Coffee Bar Restaurant」食晏，佢係人氣最高嘅一間，因為要等位😳。
餐廳環境裝修簡約，除咗唔係坐地下之外，配合埋舖內播放住嘅K-Pop，真係好有韓式小餐館嘅感覺🇰🇷。
餐牌好大本，設計精美，但文字較細，有啲難睇🙈。呢度提供各式各類嘅韓國料理，炸雞啤酒、炒飯、飯卷、湯品以至年糕等一應俱全。
秘製章魚蛋漿熔岩炒飯($168)，熔岩炒飯係招牌菜，基本上枱枱都嗌。餐廳大約每隔十分鐘就會上演一場火山蛋漿熔岩炒飯Show🔥，Oppa會喺客人面前表演功架，拎住支Gas燒呀燒，幾分鐘後就完成。
秘製章魚蛋漿熔岩炒飯
$168
4 瀏覽
0 讚好
0 留言
一上枱嘅時候，🍚炒飯好整齊置中咁放喺鐵板上面，隨後店員就會喺外圍倒入蛋漿，再放芝士喺飯面。店員均勻燒完後，芝士完全溶化🧀，拉絲效果如瀑布一樣，亦同日本納豆無乜分別。
即使咁多芝士，但炒飯難得地唔油膩，味道亦偏清淡。炒飯嘅顏色橙橙哋色🧡，不過無咩泡菜味，可能要叫泡菜嗰款先有，我亦相信會係一個唔錯嘅組合，而我嗌嘅章魚亦幾好，份量唔多，但幾好咬口🐙。
卡邦尼炒粉絲($128)，卡邦尼醬幾杰身，但唔會太鹹😬。粉絲口感彈牙，比起一般嘅粗，粗度同意粉相約，而餸料就有三色椒、洋蔥同魚糕條。
牛肋骨湯($168/小)，湯有分大鍋同細鍋，兩個人食要細嘅就啱啱好。🐮牛肋肉煮到好淋，湯品味道亦幾濃，但飲飲下覺得頗有越南牛河風味🤣。
總括嚟講，呢間韓國餐廳行新派路線，食嘅同時亦好有娛樂性😆，有表演睇。餐牌中有個流心芝士小丸子好似好好玩，但佢係飯波嚟🍙，因為叫咗熔岩炒飯，所以就無試到，如果佢係普通小丸子就好喇，哈哈。最後，我上載埋餐廳嘅完整餐牌以供參考🙏🏻。
張貼
