飲茶 (朗豪坊) (已結業)

由於本人有一個用咗唔係好耐嘅手袋喺最近大風大雨嘅天氣之下出現咗「甩色」同「發霉」嘅情況，最重要係Oppa半年前送嘅聖誕禮物嚟，而Oppa見到知道有咁嘅情況出現之後，Oppa即刻應承話會買過新嘅畀我，所以我們就去咗旺角朗豪坊買新手袋，之後我們去咗最近新開嘅「飲茶」食晚飯！店內嘅環境裝修放滿晒他們嘅招牌包公仔，而且櫃入面亦放咗多支樽裝可樂，餐碗入面有條栩栩如生嘅金魚仔！首先店員問我們飲咩茶？而我們就揀咗「紅茶」紅棗紅袍，味道好清甜芳香，唔會過濃或過淡！阿毛燉湯嘅湯料都幾豐富，但味道比較清淡，唔算好濃郁！小食拼盤：皮蛋豆腐「雪花糖心」嘅豆腐超滑溜，而且切到好薄好薄圍成一圈，中間放咗啲切成碎嘅皮蛋，再加埋啲芝麻醬一齊食，感覺好冰涼清新！鷄絲粉皮嘅粉皮都幾夠冰凍質感都幾煙煙韌韌，鷄絲嘅肉質都幾嫩滑，再淋上濃郁嘅花生醬，感覺都唔錯！青瓜皮蝦係爽脆嘅青瓜包著爽甜彈牙嘅蝦肉，再淋上啲蒜蓉喺面，真係好惹味清新！紅都面埋嘅賣相好精靈可愛，整個包都染成粉紅色，再加埋一個蝴蝶結同一對眼睛，入面嘅餡料有麻辣嘅豬肉、海蝦同菜，麻辣度比較高，如果唔係好食得辣嘅朋友就要留意一下！花膠蒸飯「鮑汁」嘅花膠燜得好軟滑腍身，