影片
更多
2012-05-20
233 瀏覽
"譚仔", 我由佢喺深水埗一間細細間的舖頭仔, 食到而家有40間的加盟集團, 一直我都覺得佢有信心的保證. 不過黃大仙呢間分舖改變我的諗法, 以後唔可以淨係話譚仔就OK, 要睇吓係邊間譚仔... 事源黃大仙有咗譚仔後, 亞媽久唔久都話去食, 見今日諗住喺黃大仙食午飯, 就去試吓, 反正譚仔喎, 應該正常嘢 (我心諗...) 點知出事了...我地一行4個人, 12點到, 啱啱有位... 我建議叫一碗大米線, 再加兩碗兩餸4個人食. 大米線來了, 除了餸的款式多了, 分量同其他兩碗差唔多... 我地問亞姐點解咁少??? 亞姐漫不經心地回應"係咁架喎" 我就以為呢間的分量唔同啦, 而亞媽都未試過叫大碗米線, 佢見得咁少, 都有點不滿地UM住話唔抵食... 結果我地決定要叫多一碗一餸米線係2個女人食一碗大,一碗正常先夠。去到呢到我都只係諗... 唉, 地區問題啦, 呢到競爭少, 價錢又唔可以太高, 分量可能因為咁而少啲都冇法啦...當一開始食, 撈起啲腩肉一睇, 嘩! 絶對係豬肉亂斬一通, 又鞋又斬唔斷, 仲要唔好味. 餸係一個問題, 有咩理由一間買米線的舖頭, 米線可以咁差, 硬得
事源黃大仙有咗譚仔後, 亞媽久唔久都話去食, 見今日諗住喺黃大仙食午飯, 就去試吓, 反正譚仔喎, 應該正常嘢 (我心諗...) 點知出事了...
我地一行4個人, 12點到, 啱啱有位... 我建議叫一碗大米線, 再加兩碗兩餸4個人食. 大米線來了, 除了餸的款式多了, 分量同其他兩碗差唔多... 我地問亞姐點解咁少??? 亞姐漫不經心地回應"係咁架喎"
我就以為呢間的分量唔同啦, 而亞媽都未試過叫大碗米線, 佢見得咁少, 都有點不滿地UM住話唔抵食... 結果我地決定要叫多一碗一餸米線係2個女人食一碗大,一碗正常先夠。去到呢到我都只係諗... 唉, 地區問題啦, 呢到競爭少, 價錢又唔可以太高, 分量可能因為咁而少啲都冇法啦...
當一開始食, 撈起啲腩肉一睇, 嘩! 絶對係豬肉亂斬一通, 又鞋又斬唔斷, 仲要唔好味. 餸係一個問題, 有咩理由一間買米線的舖頭, 米線可以咁差, 硬得嚟唔爽, 應該係出唔夠水就擺咗喺度好耐, 出水後又冇用凍水沖過, 明顯係冇心機做好的結果.
都仲未夠 食到一半, 見到隔離枱一家三口, 囝囝大概6-7歲, 叫咗兩碗大米線, 一碗兩餸... 我就諗... um... 佢地都知分量少, 所以叫咁多. 點知一嚟, 嘩!!! 多我嗰碗成倍, 真係我喺第二間譚仔食開的分量 忍唔住搭訕, "你碗米線好大碗喎" 爸爸就話"係囉, 上次嚟叫好細碗, 所以咪叫兩碗大, 鬼整今次咁大碗",死未~Well, 迷底解開了, 根本就係亂嚟
再望吓出面, 12:30未夠, 已經好多人喺門口等位, 佢食唔死人都有人幫襯, 駛咩整得好食, 駛咩有心機做???
不過, 我最接受唔到呢啲態度的食肆, 寧願行遠啲, 冇得食, 都唔會再嚟!
張貼
