影片
更多
2025-02-24
164 瀏覽
Snacks - Crispy Cauliflower ($95)openrice見到人讚呢一個炸椰菜花，都想睇吓點樣一嚿花可以有炸雞嘅味道😂估唔到又真係幾特別，原來佢分左係一小棵一小棵嘅椰菜花，外層有一層淡淡嘅天麩羅口感，配埋酸酸嘅粉紅醃洋蔥，仲有紫菜同羅望子（Tamarind）BBQ醬，味道係酸甜中帶少少煙燻味，開胃得來，可能要啲時間適應個濃郁嘅醬汁🤩食咁多齋都未試過呢一個醬汁味道，素食者可以一試😂Starters - Masala Beans on Toast ($95)笑死，我同朋友其實都唔食蕃茄豆，但係大家都以為對方想食所以叫咗🤣🤣即管硬着頭皮試吓啦，估唔到好有驚喜！😍當佢係英式早餐嘅Toast，蕃茄豆嘅味道其實唔濃郁，可能因為有馬薩拉香料味，香濃蛋唔會太刺激，酸種麵包烘得好脆身，再加隻流心煎蛋同蘇格蘭車打芝士，每一啖都充滿層次感，鹹香同辣味好平衡，連唔食蕃茄豆嘅我哋都可以清碟！Mains - Dingley Dell Pork Chop ($240)豬扒厚身，但煎得啱啱好！外層微焦但內裡好嫩滑，肉味十足！就算唔落燒汁都好夠味道，加埋就味道豐富啲🙈 配埋一碟經典嘅 Waldo
openrice見到人讚呢一個炸椰菜花，都想睇吓點樣一嚿花可以有炸雞嘅味道😂估唔到又真係幾特別，原來佢分左係一小棵一小棵嘅椰菜花，外層有一層淡淡嘅天麩羅口感，配埋酸酸嘅粉紅醃洋蔥，仲有紫菜同羅望子（Tamarind）BBQ醬，味道係酸甜中帶少少煙燻味，開胃得來，可能要啲時間適應個濃郁嘅醬汁🤩食咁多齋都未試過呢一個醬汁味道，素食者可以一試😂
Starters - Masala Beans on Toast ($95)
笑死，我同朋友其實都唔食蕃茄豆，但係大家都以為對方想食所以叫咗🤣🤣即管硬着頭皮試吓啦，估唔到好有驚喜！😍
當佢係英式早餐嘅Toast，蕃茄豆嘅味道其實唔濃郁，可能因為有馬薩拉香料味，香濃蛋唔會太刺激，酸種麵包烘得好脆身，再加隻流心煎蛋同蘇格蘭車打芝士，每一啖都充滿層次感，鹹香同辣味好平衡，連唔食蕃茄豆嘅我哋都可以清碟！
Mains - Dingley Dell Pork Chop ($240)
豬扒厚身，但煎得啱啱好！外層微焦但內裡好嫩滑，肉味十足！就算唔落燒汁都好夠味道，加埋就味道豐富啲🙈
配埋一碟經典嘅 Waldorf 沙律（有青蘋果、芹菜、核桃同葡萄），清新嘅沙律平衡咗豬扒嘅油膩感。另外仲有一塊層層分明嘅馬鈴薯千層，炸得好脆，正！☺️
Mains - Fish & Leek Pie ($220)
酥皮下面有煙燻黑線鱈魚、鱈魚同蝦嘅混合餡料，幾種魚類嘅口感都唔同👍🏻 仲有清香嘅韭菜同蘇格蘭車打芝士，味道濃郁之餘唔會太鹹。上面鋪咗焗到金黃嘅薯蓉，整體唔會太油膩。仲有，佢將青豆分開擺，幾好🙊🙈🙈
Desserts - Drunk Apple & Blackberry Crumble ($95)
餡料多，香草奶黃醬幾香滑，碎餅好食唔甜，夾埋酸酸甜甜嘅蘋果同黑莓，可以中和佢嘅甜味，share岩岩好👏
Draught Beer & Cider
飲品方面，同friend食嘢梗係要啤酒啤一啤😆 問店員推介咗兩款比較甜嘅生啤：
Hong Kong Beer Co. 852 ($80)
香港開頭，梗係要試吓😋 有濃郁嘅啤酒花香味，入口清爽～
Aspall Draught Cyder ($80)
果味重啲，酸甜適中，飲落舒服，都幾大杯，夠飲成晚🤣🤣
結論
🫰味道good good
🫰環境都好大，裝修有feel☺️
🫰staff 好niceee
提供英文餐單
好味度：8.5/10
🎡餐廳資料
餐廳名稱：THE GLOBE
餐廳地址：中環蘇豪嘉咸街45-53號地下A號舖
營業時間：星期一至日12:00-02:00
張貼
