福元湯圓

營業中

休息中

前日經過炮台山福元湯圓，見到店內無人排隊，而店舖又好細，得幾張枱仔，當時食客亦只得幾個，於是第一時間就走入去買個黑芝麻湯圓(有糖薑水) 外賣，俾完錢後，等攞嘅期間，就開始陸續多人，於是我就企係門口度等，見到個營業時間，竟然係下午4時至零辰1時，都算開得晏。而我企門口大約等咗十分鐘左右，店員就望出嚟，示意已整好，可以拎走。然後搭車返屋企大約半個小時，返到去第一時間就打開嚟食，一擺入口就知皮薄餡多，黑芝麻餡又香又好味，而糖水亦好夠薑味。總結：湯丸真係包得好叻，皮薄到咁，都無穿，浸住係糖水度成半個鐘，都無爆開，而價錢亦都唔算貴，店員服務態度及記性都唔錯，難怪每次經過門口，都見到店內坐滿食客。