霸王山莊

營業中

休息中

🉐招牌片皮鴨🉐熱門京川滬菜〈霸王小籠包〉🥟一開籠已經見到小籠包好大粒，最重要係啲湯汁係超多，多到係一咬穿佢，隻匙羹係會裝唔晒，超級爆汁，完全係皮薄餡靚。〈北京烤鴨 〉🦆嚟到霸王山莊，點都一定要嗌佢最出名嘅菜式北京烤鴨。即叫即烤，所以等耐啲都抵。嗌半隻份量已經好多，鴨嘅份量係好貼心咁一半係皮加肉，一半只係皮，所以可以食到好多最精華香脆嘅烤鴨皮。加埋青瓜韮黃烤鴨醬，解膩之餘仲可以帶出鮮味！〈蟹粉扒豆苗〉🦀🥬蟹粉份量完全唔吝嗇，食到最後食晒豆苗都仲有蟹粉，蟹粉味超濃郁，仲有好多壓碎嘅蟹膏，加少少醋落去更加可以帶出蟹嘅鮮味。〈雪城高力豆沙〉🥚灑咗好多糖霜喺外面，好似一個個雪球，口感軟淋淋唔會有油膩感，豆沙餡料綿滑但又唔會過甜。