爭鮮迴轉壽司 (天澤商場)

營業中

休息中

已經有好一段時間冇去爭鮮食嘢，原來有D壽司已經加左價，例如三文魚壽司，已經由8蚊嘅碟轉換成12蚊黑色碟。八爪魚壽司$8幾爽口，唔韌，冇乜八爪魚味。星鰻壽司$8 有啲似蒲燒鰻魚，不過肉質好似實少少。烤三文魚腩壽司 $8 有不少三文魚油，所以食落好香三文魚味。希靈魚壽司 $8以前有兩件，依家得返一件，不過就大塊D，口感爽脆。火炙三文魚壽司$8等左好耐都見唔到一碟，唔知係咪我坐嘅地理位置唔好。燒得好香，唔燶，加埋芝士同調味粉，我覺得佢係$8嚟講最好食嘅選擇。